Elnur Sadıqov: “Bankların sağlamlaşdırılması üçün sosial kreditlər bağışlana bilər”
2017-ci il dekabrın 1-nə Azərbaycanda vaxtı keçmiş kreditlərin məbləği 1 milyard 890,3 milyon manat olub. Azərbaycan Dövlət İqtisad Universitetinin Maliyyə və maliyyə institutları kafedrasının professoru Elnur Sadıqov Sputnik Azərbaycan-a deyir ki, dünyanın bütün ölkələrində vaxtı keçən kredit borcları olur:
“Bankların sağlamlaşdırılması üçün dövlət tərəfindən tədbirlər görülə bilər. Çünki borcların ildən-ilə keçməsi bankların vəziyyətini ağırlaşdırır. Banklara kömək etmək üçün bu sahədə dövlət proqramının qəbul olunması məqsədəuyğun olardı”.