https://sputnik.az/20240422/zelenskiden-etiraf-abs-in-desteyi-olmasa-kiyev-munaqiseni-uduzacaq-463792837.html

Zelenski: Qərb həqiqətən Rusiyadan qorxur

Zelenski: Qərb həqiqətən Rusiyadan qorxur

Sputnik Azərbaycan

ABŞ yardım etməsə Ukrayna məhv olacaq

2024-04-22T22:20+0400

2024-04-22T22:20+0400

2024-04-22T16:54+0400

rf-in donbasın müdafiəsi üzrə xüsusi əməliyyatı

vladimir zelenski

ukrayna

abş

abş konqresi

konqres

kreml

lavrov

rusiya

https://cdnn1.img.sputnik.az/img/07e7/0c/0c/461248952_0:0:3071:1728_1920x0_80_0_0_7dcf23135f8e3cbd54333d44df8f629b.jpg

BAKI, 22 aprel - Sputnik. Qərb ölkələri Rusiya ilə genişmiqyaslı münaqişədən qorxduqları üçün qoşunlarını Ukraynaya göndərmirlər. Bunu Ukrayna Prezidenti Vladimir Zelenski "YouTube" kanalında fransız müxbiri Hüqo Traverslə müsahibəsində deyib. O, İsrail və Ukraynaya yardım məsələsini şərh edərkən bildirib ki, yəhudi dövlətinə yardım daha əhəmiyyətlidir, çünki Qərb ölkələri Rusiya ilə qlobal münaqişə qorxusundan ölkəyə qoşun göndərmək istəmirlər. "Bu o deməkdir ki, onlar həqiqətən Rusiyadan qorxurlar" - Zelenski vurğulayıb. Ukrayna prezidentinin fikrincə, Yaxın Şərqdə İsrailə fəal yardım göndərmək Qərb liderlərinin İranla müharibə ehtimalına inanmadıqlarını nümayiş etdirir. Zelenski Ukraynanın müttəfiqlərinin böyük hərbi və iqtisadi potensiala sahib olmalarına baxmayaraq, Rusiya Prezidenti Vladimir Putindən qorxduqlarını vurğulayıb. Ağ Evin sözçüsü Metyu Miller bildirib ki, İsrail Ukraynadan fərqli olaraq ABŞ-ın uzunmüddətli hərbi müttəfiqidir, buna görə də Vaşinqton İranın cavab hücumunu dəf etmək üçün tədbirlər görüb, lakin Kiyevdə Rusiyaya qarşı münaqişədə birbaşa iştirak etmək niyyətində deyil. Bu yaxınlarda Zelenski ümid edərək söyləyib ki, Ukrayna "ikinci Əfqanıstan" olmayacaq.16.04.24, 17:29Zelenskidən etiraf: Rusiyanın hücumlarına tab gətirmək üçün silah-sursatımız yoxdurRusiyanın hücumlarına tab gətirmək üçün yetərincə silah-sursatımız yoxdur. Buna görə də qarşı tərəf bizi hər gün daha da geri çəkilməyə məcbur edəcək.Bunu ABŞ-nin PBS telekanalına Ukrayna Prezidenti Volodimir Zelenski bildirib.O, həmçinin ölkəsinin danışıqlara hazır olduğunu deyib. Bildirib ki, onların müzakirələr aparacağı tərəf Rusiya olmayacaq. Çünki rəsmi Moskva bundan dəfələrlə imtina edib:“Onların bəyanatları, eləcə də kəşfiyyat məlumatları bunu deməyə əsas verir. Biz başa düşürük ki, Rusiya Prezidenti Vladimir Putin bizimlə danışıqlar masasına oturmağa hazır deyil. Çünki Putin üçün istənilən danışıq qələbə anlamına gəlmir”.Ukrayna lideri əlavə edib ki, hazırda ordunun nəzarətindəki ərazilərin effektiv müdafiəsi üçün ordu Rusiya silahlı qüvvələrinin hərbi təchizat səviyyəsinə çatdırılmalıdır."Bu o deməkdir ki, məsələn Rusiya tərəfinin 10 ədəd gülləsi varsa, bizdə də eyni sayda mərmi olmalıdır. Daha sonra irəliləmək üçün daha müasir silahlara ehtiyacımız var. Söhbət həm də hava məkanının qorunması məqsədilə istifadə olunan sistemlərdən gedir. Hərbçilərin irəliləməsi üçün uçuşlara qoyduğumuz məhdudiyyəti rahatlıqla aradan qaldıra bilməliyik”.V. Zelenski əlavə edib ki, avropalı tərəfdaşların dəstəyi dayandırması Ukraynanın məğlubiyyəti deməkdir:“Hazırda artilleriya mərmiləri arasındakı fərq belədir: Tutaq ki, bizim 1 mərmimiz varsa, Rusiyada bu say 10 ədəddir. Bu cür fərqlə qarşı tərəfin hücumlarına davam gətirmək mümkündürmü? Biz Qərbdən 500 qırıcı istəmirik. Yeri gəlmişkən, Rusiyanın malik olduğu qırıcılardan sadəcə 300 ədədi Ukrayna ərazisində istifadə olunur. Biz sabahı düşünməli olsaq da, növbəti ilin hadisələrindən hər kəs xəbərsizdir. Ölkəmizə hansı formada dəstək veriləcəyindən xəbərsizik” - V. Zelenski deyib (APA).07.04.24, 21:29Zelenskidən etiraf: ABŞ-ın dəstəyi olmasa, Kiyev münaqişəni uduzacaqYeni yardım paketinin ayrılması məsələsində ABŞ Konqresinin dəstəyi olmadan Ukrayna üçün çox çətin olacaq, Kiyev münaqişədə uduzacaq. Bunu Ukrayna prezidenti Vladimir Zelenski Telegram kanalında yayımlanan videoda bildirib.“Konqresdən bu dəstək olmasa, bizim üçün nəinki qalib gəlmək, hətta dayanmaq da çox çətin olacaq... Konqresə konkret deməliyik: Konqres Ukraynaya kömək etməsə, Ukrayna müharibəni uduzacaq” – Zelenski Ukraynaya dəstək beynəlxalq təşəbbüsün iştirakçıları ilə onlayn görüş zamanı bildirib.O, Konqresin və amerikalıların diqqətini Ukraynaya necə cəlb etmək barədə düşünməyi təklif edib.ABŞ Konqresinin Nümayəndələr Palatasının spikeri Mayk Conson daha əvvəl ümid etdiyini bildirmişdi ki, qanunvericilər aprelin 9-da tətildən qayıtdıqdan sonra Kiyevə kömək üçün qanun layihəsini nəzərdən keçirə biləcəklər. Onun sözlərinə görə, sənəddə yeni konsepsiya və yanaşmalar yer alacaq, xüsusən də Rusiyanın dondurulmuş aktivlərinin müsadirəsi ilə bağlı qərar qəbul edilə bilər. Ehtimal olunur ki, Consonun Ukraynaya yardımdan prinsipcə narazı olan partiya yoldaşları tərəfindən üsyan riski var. Qanun layihəsi səsverməyə çıxarılarsa, onun vəzifəsindən uzaqlaşdırılmasına cəhd edə bilərlər. Nümayəndələr Palatasının Demokratik azlığı bu işdə spikerə dəstək verməyə hazır olduğuna eyham vurur.Ötən ilin dekabrında ABŞ administrasiyası Ukraynaya silah vermək imkanlarını tükəndirdi, bu il 300 milyon dollar dəyərində yalnız bir yardım paketi köçürülüb. Ağ Evin Kiyev üçün 60 milyard dollar ayrılması tələbi təsdiqini gözləyir.Rusiya hesab edir ki, Ukraynaya silah tədarükü nizamlanmaya mane olur, NATO ölkələrini birbaşa münaqişəyə cəlb edir və “atəşlə oynayır”. Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Onun sözlərinə görə, ABŞ və NATO təkcə silah tədarükü ilə deyil, həm də Böyük Britaniya, Almaniya, İtaliya və digər ölkələrdə kadr hazırlığı ilə münaqişədə birbaşa iştirak edir. Kreml bəyan edib ki, Ukraynanı Qərbdən silahlarla doldurmaq danışıqlara kömək etmir və mənfi təsir göstərəcək.

2024

xəbərlər

ru_AZ

zelenski ağlayaraq kömək istədi, abş yardım etməsə ukrayna məhv olacaq