16:10 06 Dekabr 2016
Canlı yayım
Bakının Fəvvarələr meydanında velosiped sürən uşaqlar, arxiv şəkli

Bu idman növü ömrü uzadır

© Sputnik / Murad Orujov
İDMAN
Qısa URL
8810

80 min insan üzərində aparılan araşdırma o qənaəti hasil edib ki, heç də idmanın bütün növləri sağlamlıq üçün faydalı deyil

BAKI, 2 dek — Sputnik. Üzgüçülük, velosopedsürmə, aerobika və tennis insan sağlamlığı üçün ən xeyirli idman növləridir. Futbol və qaçış öz faydalılığına görə, bu idman növlərindən geri qalır.

Sputnik-in məlumatına görə, bu barədə Avstriya alimlərinin "British Journal of Sports Medicine" jurnalında dərc olunan məqaləsində deyilir. "Bizim müşahidələrimizə görə, əsas o deyil ki, siz idmanla nə qədər tez-tez məşğul olursunuz, əsas odur ki, idmanın hansı növü ilə məşğul olursunuz. Aydındır ki, idmanın hər növünün insan sağlamlığına bir şəkildə təsiri var. Müşahidələr əsasında bizim kolleqalarımız idman təşkilatlarına yeni növ tapşırıqlar hazırlamaqda kömək edəcəklər. Söhbət insan sağlamlığına maksimal dərəcədə müsbət təsir edən tapşırıqlardan gedir" — deyə Sidney (Avstraliya) universitetinin əməkdaşı Emmanuel Stamatakis bildirib.

Stamatakis və onun həmkarları idmanın hansı növlərinin sağlamlığa daha çox faydalı olduğunu araşdırmaq üçün Böyük Britaniya və Avstraliyanın sosial xidmətləri ilə əməkdaşlıq ediblər. 12 il ərzində (1994-2006) Britaniyanın idmanla məşğul olmuş 80 minə qədər yaşlı sakini üzərində müşahidələr aparandan sonra, onlar müvafiq nəticələrə gəliblər.

Bu müşahidələrin məqsədi intensiv fiziki gücün insanın ömrünün uzanmasında və müxtəlif xəstəliklərlə, o cümlədən, infarkt, insult, ürək-damar sistemindəki problemlərlə mübarizədə hansı effekti verdiyini müəyyənləşdirmək olub.

Müəlliflər idmanın hansı növünün sağlamlığa necə təsir etdiyini aydınlaşdırıblar. Bu qənaətə gəliblər ki, idmanın bütün növləri faydalıdır. Misal üçün futbol, qaçış, ağır atletika və idmanın digər növləri ömrün uzanmasına heç bir təsir etmir və bu növlərlə məşğul olanların çoxunun ölümünə səbəb səhhətlərindəki müxtəlif problemlər olub.

Amma bir sıra idman növləri də var ki, onlar insan sağlamlığına müsbət təsir göstərir və onların ömrünü uzadır. Misal üçün, badminton, tennis, divarla tennis oynamaq faydalı idmandır. Britaniyalıların bu idman növləri ilə məşğul olan qrupunda erkən ölüm riski digərləri ilə müqayisədə 47% aşağıdır. Digərlərində isə ürək-damar sistemi ilə bağlı problemi olanların sayı 56%-dir.

Üzgüçülük və aerobika ilə məşğul olanların erkən ölüm riski 27-28% azdır. Bu qrupdan olanların, sadəcə 36-41%-nin ürək-damar sistemində problem olur. Bununla yanaşı, velosiped sürmək ölüm ehtimalını 15% azaldır. Bu idmanla məşğul olan şəxslərdə ürək-damar problemləri demək olar ki, olmur.

Alimlər hesab edirlər ki, idman qayda-qanunları da insanın sağlamlığına müxtəlif dərəcədə təsir göstərir. Onların hər birinin insanın müəyyən orqanlarına müsbət və mənfi təsirləri mövcuddur. İnsanlar, məhz onların sağlamlığına müsbət təsir edən idman növlərini seçməyə üstünlük verməlidirlər.

Əlaqədar

Legioner alveri və ya yerli idmançıların məhvi
İdman mərc oyunlarında uduşlardan vergi tutulmayacaq
İki tanımış idmançımız karyerasını başa vurdu
İdmançılara istifadəsi qadağan olunan maddələrin siyahısı açıqlandı
Ulduz idmançı faciəli şəkildə həlak olub
İdmançını tez "parladıb", tez "söndürən" qidalar
Teqlər:
aerobika, velosopedsürmə, üzgüçülük, xeyir, sağlamlıq, tennis, insan, idman, futbol

Əsas mövzular