Ceyhun Bayramov Qətərin Baş naziri ilə görüşüb
14:32 30.04.2024 (Yenilənib: 15:09 30.04.2024)
© Photo : MFA Azerbaijan
Abunə olmaq
Görüşdə Azərbaycan və Qətər arasında mövcud tərəfdaşlığın gücləndirilməsi perspektivləri müzakirə edilib.
BAKI, 30 aprel — Sputnik. Azərbaycan xarici işlər naziri Ceyhun Bayramov Qətərin Baş naziri və xarici işlər naziri Məhəmməd bin Əbdürrəhman Al-Tani ilə görüşüb. Bu barədə Azərbaycan Xarici İşlər Nazirliyinin (XİN) "X" hesabında paylaşım edilib.
"Azərbaycan xarici işlər naziri Ceyhun Bayramov Qətərin Baş naziri və xarici işlər naziri Məhəmməd bin Əbdürrəhman Al-Tani ilə görüşərək ikitərəfli gündəmdə duran mühüm məsələləri və yeni əməkdaşlıq sahələrinə xüsusi diqqət yetirməklə Azərbaycan və Qətər arasında mövcud tərəfdaşlığın gücləndirilməsi perspektivlərini müzakirə edib" - məlumatda qeyd olunub.
FM @Bayramov_Jeyhun met with Prime Minister and Foreign Minister of Qatar @MBA_AlThani_ to discuss important issues standing high on bilateral agenda & the prospects of strengthening the existing partnership btw 🇦🇿 & 🇶🇦 with a special emphasis on new areas of cooperation. pic.twitter.com/GPKFmb2BfE
— MFA Azerbaijan 🇦🇿 (@AzerbaijanMFA) April 30, 2024
Azərbaycan xarici işlər naziri Ceyhun Bayramov aprelin 29-da Qətərə işgüzar səfərə yola düşüb. Bildirilib ki, səfər çərçivəsində nazirin 30 aprel tarixində Doha şəhərində keçiriləcək Ərəb Dövlətləri Liqası - Mərkəzi Asiya - Azərbaycan Respublikası Əməkdaşlıq və İqtisadi Forumunun 3-cü iclasında iştirak və çıxışı, habelə tədbir çərçivəsində ikitərəfli görüşlərinin keçirilməsi nəzərdə tutulub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
