Tarixdə bu gün: 18 aprel – FOTO
14:00 18.04.2024 (Yenilənib: 15:09 18.04.2024)
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə hansı hadisələr baş verib - Sputnik Azərbaycan-ın icmalında oxuyun.
BAKI, 18 aprel — Sputnik. Aprelin 18-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gün də tarixə düşən hadisələr baş verib.
Aprelin 18-də kimlər dünyaya gəlib?
Şövkət Məmmədova (1897-1981) - ilk azərbaycanlı opera müğənnisi və SSRİ xalq artistidir. O, Moskva, Paris, Milan və başqa şəhərlərdə çıxış edib.
Şövkət Məmmədova
© Photo : Public Domen
Georgi Vitsin (1917-2001) - Sovet və Rusiya teatr və kino aktyoru, SSRİ xalq artistidir. Aktyor "Dovşan", "Qafqaz əsiri", "Uğur centlmenləri" və s. filmlərdə rol alıb.
Erik Roberts (1956) - Amerika aktyorudur. O, 700-dən çox film və televiziya serialında bir çox obrazları canlandırıb.
Erik Roberts
© Sputnik / Кирилл Каллиников
Elena Temnikova (1985) - rusiyalı müğənni və "Serebro" qrupunun keçmiş üzvüdür. O, musiqi karyerasına 2003-cü ildə "Ulduz fabriki" musiqi istedad şousunun ikinci mövsümündə üçüncü yeri tutduqdan sonra başlayıb. Layihə başa çatdıqdan sonra müğənni şounun rəhbəri Maksim Fadeyevlə əməkdaşlığa başlayıb.
Elena Temnikova
© Sputnik / Евгений Одиноков
Rouzi Hantinqton-Vaytli (1987) "Victoria's Secret" "mələkləri"ndən biri kimi tanınan ingilis supermodeldir.
Rouzi Hantinqton-Vaytli
© AP Photo / Evan Agostini
Aprelin 18-də dünyada baş verən tarixi hadisələr
1902-ci ildə Böyük Britaniyada cinayətkarı müəyyən etmək üçün ilk dəfə daktiloskopiya tətbiq edilib.
1951-ci ildə Parisdə Belçika, Almaniya, İtaliya, Lüksemburq, Hollandiya və Fransa arasında Avropanın Kömür və Polad Cəmiyyətinin yaradılması haqqında Müqavilə imzalanıb. Müqavilə çərçivəsində kömür və polad üçün ümumi bazar yaradılıb.
1984-cü ildən bəri Beynəlxalq Abidələr və Tarixi Yerlər Günü qeyd olunur. Məhz bu gün YUNESKO-nun nəzdində yaradılmış Tarixi Yerlər və Abidələrin Mühafizəsi üzrə Beynəlxalq Şuranın 1982-ci il Assambleyasının təşəbbüsü ilə yaradılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
