https://sputnik.az/20240329/meiset-zorakiligi-toreden-sexslere-muhafize-orderinin-verilmesi-qaydasi-deyisir-463579554.html

Məişət zorakılığı törədən şəxslərə mühafizə orderinin verilməsi qaydası dəyişir

Məişət zorakılığı törədən şəxslərə mühafizə orderinin verilməsi qaydası dəyişir

Sputnik Azərbaycan

Layihəyə əsasən, məişət zorakılığı ilə bağlı hərəkətləri törətmiş şəxs verilmiş xəbərdarlığa əməl etmədikdə, prokurorun da uzunmüddətli mühafizə orderinin... 29.03.2024, Sputnik Azərbaycan

2024-03-29T13:56+0400

2024-03-29T13:56+0400

2024-03-29T14:04+0400

mühafizə

cəmiyyət

məişət zorakılığı

milli məclis

https://cdnn1.img.sputnik.az/img/42357/56/423575674_0:121:1921:1201_1920x0_80_0_0_efd57fc2a8a005dc22eae4b8f2b87879.jpg

BAKI, 29 mart — Sputnik. Uzunmüddətli mühafizə orderinin verilməsi qaydası dəyişir. Bu, Milli Məclisin bu gün keçirilən iclasında müzakirəyə çıxarılan "Məişət zorakılığının qarşısının alınması haqqında" qanuna təklif edilən dəyişiklikdə əksini tapıb. Layihəyə əsasən, məişət zorakılığı ilə bağlı hərəkətləri törətmiş şəxs verilmiş xəbərdarlığa əməl etmədikdə, prokurorun da uzunmüddətli mühafizə orderinin verilməsi üçün məhkəməyə müraciət etmək hüququna malik olması təklif edilir. Qeyd edək ki, qüvvədə olan qanuna görə zərər çəkmiş şəxs və müvafiq icra hakimiyyəti orqanı (yerli icra hakimiyyəti orqanları) belə hüquqa malikdir. Layihə səsverməyə çıxarılaraq üçüncü oxunuşda qəbul edilib. Xatırladaq ki, mühafizə orderi – məişət zorakılığı törətmiş şəxsin zərər çəkmiş şəxsə qarşı edə biləcəyi hərəkətlərə tətbiq olunan məhdudiyyətlər haqqında aktdır. Qısamüddətli və ya uzunmüddətli mühafizə orderi Qeyd edək ki, zərər çəkmiş şəxsə qısamüddətli və ya uzunmüddətli mühafizə orderi verilə bilər. Qısamüddətli mühafizə orderində məişət zorakılığını törətmiş şəxsə aşağıdakılar qadağan edilə bilər: -məişət zorakılığının təkrar törədilməsi; -zərər çəkmiş şəxsin olduğu yer ona məlum olmadıqda həmin şəxsin axtarılması; -zərər çəkmiş şəxsə narahatlıq gətirən digər hərəkətlərin edilməsi. Uzunmüddətli mühafizə orderində aşağıdakılar nəzərdə tutula bilər: -məişət zorakılığını törətmiş şəxsin yetkinlik yaşına çatmamış uşaqları ilə ünsiyyət qaydaları; yaşayış sahəsindən və ya birgə əmlakdan istifadə qaydalarının müəyyən edilməsi; -zərər çəkmiş şəxsə tibbi və hüquqi yardımın göstərilməsi ilə bağlı xərclərin məişət zorakılığını törətmiş şəxs tərəfindən ödənilməsi şərtləri; -mühafizə orderinin tələblərini icra etməyən şəxsin qanunvericiliyə uyğun olaraq məsuliyyətə cəlb olunmasının izah edilməsi haqqında məlumat. Uzunmüddətli mühafizə orderinin verilməsi barədə qərardan qanunvericiliklə müəyyən edilmiş qaydada şikayət verilə bilər. Yuxarı instansiya məhkəməsinə şikayətin verilməsi mühafizə orderi üzrə qərarın icrasını dayandırmır. Uzunmüddətli mühafizə orderinin surəti onun çıxarıldığı gün tərəflərə verilməlidir.

2024

xəbərlər

ru_AZ

mühafizə, məişət zorakılığı, milli məclis