Tarixdə bu gün: 28 mart – FOTO
14:00 28.03.2024 (Yenilənib: 14:03 28.03.2024)
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə hansı hadisələr baş verib - bu barədə Sputnik Azərbaycan-ın icmalında oxuyun.
BAKI, 28 mart - Sputnik. Martın 28-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gündə tarixə düşən hadisələr də baş verib.
Martın 28-də kimlər dünyaya gəlib?
Maksim Qorki (1868-1936) – Rusiya və sovet yazıçısı, jurnalisti və ictimai xadimidir. Onun əsl adı Aleksey Peşkovdur. O, SSRİ-də ən çox nəşr olunan müəllif olub: 1918-1986-cı illərdə onun əsərlərinin 3556 nəşrinin ümumi tirajı 242,621 milyon nüsxə təşkil edib. Qorkinin tam əsərləri 60 cilddən ibarətdir.
Maksim Qorki
© Sputnik / Макс Альперт
İnnokenti Smoktunovski (1925-1994) - Sovet və Rusiya teatr və kino aktyoru, SSRİ xalq artistidir. Onun səhnədə yaratdığı obrazlar Rusiya teatr sənətinin qızıl fonduna daxil edilib. Smoktunovskinin ən yaxşı rolları “Əsgərlər”, “Bir ilin doqquz günü”, “Hamlet”, “Çaykovski”, “Xanımların dərzisi” filmlərində və Eldar Ryazanovun “Avtomobildən qorun” lirik komediyasında yer alıb.
İnnokenti Smoktunovski
© Sputnik / Б.Манушин
Vins Von (1970) amerikalı aktyor, prodüser və ssenaristdir. O, "Yura dövrü parkı 2: İtirilmiş dünya", "Əsl detektiv" və s. filmlərdə oynayıb.
Culiya Stayls (1981) – ABŞ-ın teatr və kino aktrisası, kinorejissorudur. O, “Yalnız sən və mən”, “Kadr arxası həyat”, “Mənim son rəqsim”, “Bornun müəyyən edilməsi”, “Karolina” və digər filmlərdə rol alıb.
Culiya Stayls
© AFP 2023 / VALERY HACHE
Ledi Qaqa (1986) amerikalı müğənni, dizayner və aktrisadır. O, altı “Grammy” mükafatı, 13 “MTV Video Music Awards” və 8 “MTV Europe Music Awards” mükafatları da daxil olmaqla çoxsaylı adlara layiq görülüb. Aktrisa “VH1” üzrə musiqidə 100 ən böyük qadın siyahısında dördüncü yerdədir.
Ledi Qaqa, arxiv şəkli
© AP Photo / Saul Loeb
Martın 28-də dünyada baş verən tarixi hadisələr
1797-ci ildə ilk paltaryuyan maşın patentləşdirilib. Bu qurğu taxta yeşik və hərəkət edən çərçivədən ibarət olub.
1976-cı ildə polşalı səyyah Kristina Xoynovskaya-Liskeviç Las-Palmasdan (Kanar adaları, İspaniya) başlayaraq dünya üzrə səyahətini “Mazurek” yelkənli yaxtasında etmiş birinci və yeganə qadın olub.
1964-cü ildə Londonun “Madam Tüsso” məşhur mum heykəllər muzeyi “The Beatles” qrupunun üzvlərinin onun ekspozisiyasında görünən ilk rok musiqiçiləri olacağını elan edib.
Arnold Şvartsenegger madam Tüsso muzeyində
© youtube.com
1992-ci ildə Azərbaycan Suriya ilə diplomatik əlaqələr qurub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
