https://sputnik.az/20230811/sehiyye-nazirliyi-gunvurma-ile-bagli-ehaliye-muraciet-edib-457618809.html
Səhiyyə Nazirliyi günvurma ilə bağlı əhaliyə müraciət edib
Səhiyyə Nazirliyi günvurma ilə bağlı əhaliyə müraciət edib
Sputnik Azərbaycan
Günay İsmayılova vurğulayıb ki, günvurmanın əlamətləri müşahidə olunduqda dərhal ilkin yardım göstərilməlidir. 11.08.2023, Sputnik Azərbaycan
2023-08-11T13:35+0400
2023-08-11T13:35+0400
2023-08-11T13:35+0400
səhiyyə nazirliyi
səhiyyə
həkim-terapevt
mütəxəssis
günvurma
həkim
https://cdnn1.img.sputnik.az/img/41612/17/416121707_0:0:5184:2916_1920x0_80_0_0_2247f2e6dcf11007e6a2cac6eda8ca82.jpg
BAKI, 11 avqust — Sputnik. Günəş vannası qəbul etmək üçün optimal vaxt səhər 8-dən 11-ə, axşam 16-dan 19-a qədərdir. 11:00-dan 16:00-a qədər vaxt çimərlik üçün arzuolunmazdır. Bunu Səhiyyə Nazirliyinin mütəxəssis-eksperti, terapevt Günay İsmayılova deyib. Həkimin sözlərinə görə, günvurma və günəş yanıqları adətən bu saatlarda baş verir, çünki bu zaman ultrabənövşəyi şüalar daha aktivdirlər: "Günəş yanığı günvurma qədər təhlükəlidir, onun nəticələri çox ciddi ola bilər. Qızartı, ağrı, yerli qızdırma, şişkinlik kimi şikayətlərdən başqa günəş yanıqlarının gecikmiş ağır fəsadları ola bilər. İntensiv günəş şüaları təsiri altında dəri vaxtından əvvəl qocalır. Belə ki, günəş dərini elastik və hamar edən kollagen və elastin liflərini məhv edir. Zədələnmiş dəri özünü bərpa etmək qabiliyyətini itirir. Əsasən üz dərisi günəşə çox həssasdır. Üzdə günəş şüaları təsirindən hiperpiqmentasiyalı sahələr, vitiliqo, dərinin kobudlaşması, qırışması və sallanması ola bilir". Həkim qeyd edib ki, günvurma hər yaşda və cinsdə olan insanlara təsir edə bilər, lakin uşaqlar və yaşlılarda risk daha yüksəkdir: "Uşaqlarda bədənin fizioloji termorequlyasiyası hələ də tam formalaşmayıb, yaşlılarda isə artıq zəifdir. Həmçinin, ürək-damar xəstəlikləri, piylənmə, şəkərli diabet, qalxanabənzər vəzinin patologiyaları, qaraciyər sirrozundan əziyyət çəkən insanlar tez-tez və daha asan günvurmaya məruz qalırlar". Günay İsmayılova vurğulayıb ki, günvurmanın əlamətləri müşahidə olunduqda dərhal ilkin yardım göstərilməlidir. "Eyni zamanda unutmayın ki, bu ilk yardımdır və təcili yardım çağırmaq daha yaxşıdır, çünki zərərçəkənin vəziyyətini düzgün qiymətləndirmək, xüsusən də uşaqlarda və yaşlılarda, adətən çətin olur. Zərərçəkmişi dərhal kölgəli və sərin yerdə horizontal (şaquli düz) vəziyyətdə uzatmaq, başına buz və ya soyuq kompres qoymaq lazımdır. Əgər huşu özündədirsə, ona sərin suyun verilməsi tövsiyə edilir", - deyə mütəxəssis qeyd edib. İstivurma və günvurmanın fərqləri barədə danışan həkim bildirib ki, hər ikisinin simptomları təxminən eynidir: "Yeganə fərq odur ki, günəş vurması zamanı daha çox üzün qızarması baş verir, istivurmada isə bütün bədənin dərisi qızara bilər".
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
səhiyyə nazirliyi, həkim-terapevt, mütəxəssis, günvurma, həkim
səhiyyə nazirliyi, həkim-terapevt, mütəxəssis, günvurma, həkim
Səhiyyə Nazirliyi günvurma ilə bağlı əhaliyə müraciət edib
Günay İsmayılova vurğulayıb ki, günvurmanın əlamətləri müşahidə olunduqda dərhal ilkin yardım göstərilməlidir.
BAKI, 11 avqust — Sputnik. Günəş vannası qəbul etmək üçün optimal vaxt səhər 8-dən 11-ə, axşam 16-dan 19-a qədərdir. 11:00-dan 16:00-a qədər vaxt çimərlik üçün arzuolunmazdır.
Bunu Səhiyyə Nazirliyinin mütəxəssis-eksperti, terapevt Günay İsmayılova deyib.
Həkimin sözlərinə görə, günvurma və günəş yanıqları adətən bu saatlarda baş verir, çünki bu zaman ultrabənövşəyi şüalar daha aktivdirlər: "Günəş yanığı günvurma qədər təhlükəlidir, onun nəticələri çox ciddi ola bilər. Qızartı, ağrı, yerli qızdırma, şişkinlik kimi şikayətlərdən başqa günəş yanıqlarının gecikmiş ağır fəsadları ola bilər. İntensiv günəş şüaları təsiri altında dəri vaxtından əvvəl qocalır. Belə ki, günəş dərini elastik və hamar edən kollagen və elastin liflərini məhv edir. Zədələnmiş dəri özünü bərpa etmək qabiliyyətini itirir. Əsasən üz dərisi günəşə çox həssasdır. Üzdə günəş şüaları təsirindən hiperpiqmentasiyalı sahələr, vitiliqo, dərinin kobudlaşması, qırışması və sallanması ola bilir".
Həkim qeyd edib ki, günvurma hər yaşda və cinsdə olan insanlara təsir edə bilər, lakin uşaqlar və yaşlılarda risk daha yüksəkdir: "Uşaqlarda bədənin fizioloji termorequlyasiyası hələ də tam formalaşmayıb, yaşlılarda isə artıq zəifdir. Həmçinin, ürək-damar xəstəlikləri, piylənmə, şəkərli diabet, qalxanabənzər vəzinin patologiyaları, qaraciyər sirrozundan əziyyət çəkən insanlar tez-tez və daha asan günvurmaya məruz qalırlar".
Günay İsmayılova vurğulayıb ki, günvurmanın əlamətləri müşahidə olunduqda dərhal ilkin yardım göstərilməlidir.
"Eyni zamanda unutmayın ki, bu ilk yardımdır və təcili yardım çağırmaq daha yaxşıdır, çünki zərərçəkənin vəziyyətini düzgün qiymətləndirmək, xüsusən də uşaqlarda və yaşlılarda, adətən çətin olur. Zərərçəkmişi dərhal kölgəli və sərin yerdə horizontal (şaquli düz) vəziyyətdə uzatmaq, başına buz və ya soyuq kompres qoymaq lazımdır. Əgər huşu özündədirsə, ona sərin suyun verilməsi tövsiyə edilir", - deyə mütəxəssis qeyd edib.
İstivurma və günvurmanın fərqləri barədə danışan həkim bildirib ki, hər ikisinin simptomları təxminən eynidir: "Yeganə fərq odur ki, günəş vurması zamanı daha çox üzün qızarması baş verir, istivurmada isə bütün bədənin dərisi qızara bilər".
