https://sputnik.az/20230419/socar-srailde-karbohidrogen-resurslarinin-istismarinda-istirak-ede-biler--453950230.html

SOCAR İsraildə karbohidrogen resurslarının istismarında iştirak edə bilər

SOCAR İsraildə karbohidrogen resurslarının istismarında iştirak edə bilər

Sputnik Azərbaycan

Prezident İlham Əliyev İsrail Dövlətinin xarici işlər naziri, Birgə Komissiyanın həmsədri Eli Koheni qəbul edərkən deyib ki, İsrail şirkətlərinin Ələt Azad... 19.04.2023, Sputnik Azərbaycan

2023-04-19T16:10+0400

2023-04-19T16:10+0400

2023-04-19T16:10+0400

siyasət

prezident ilham əliyev

eli kohen

israil

mikayıl cabbarov

https://cdnn1.img.sputnik.az/img/07e6/0a/1b/447933957_0:96:1024:672_1920x0_80_0_0_bf8b9e50cbe4dbad73c4bbda0e58102e.jpg

BAKI, 19 aprel — Sputnik. Hazırda Azərbaycanda iqtisadiyyatın modernləşdirilməsi prosesi uğurla həyata keçirilir. Bu baxımdan texnologiyalar sahəsində, o cümlədən yaşıl enerji, ağıllı şəhər və ağıllı kənd konsepsiyaları ilə bağlı təcrübə mübadiləsi önəm daşıyır. Bu barədə Prezident İlham Əliyev İsrail Dövlətinin xarici işlər naziri, Birgə Komissiyanın həmsədri Eli Koheni qəbul edərkən bildirib. Dövlətimizin başçısı deyib ki, İsrail şirkətlərinin Ələt Azad İqtisadi Zonasında da fəaliyyət göstərmələri və yeni layihələrlə çıxış etmələri üçün yaxşı imkanlar var. Həmçinin SOCAR-ın İsraildə karbohidrogen resurslarının istismarında iştirakı imkanlarına baxılması da önəmlidir. Azərbaycan-İsrail əlaqələri genişlənir Xatırladaq ki, dünən Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədrləri - Azərbaycanın iqtisadiyyat naziri Mikayıl Cabbarov və İsrailin xarici işlər naziri Eli Kohen arasında görüş keçirilib. Mikayıl Cabbarov Azərbaycanla İsrail arasında yüksək səviyyəli əlaqələri vurğulayıb. Diqqətə çatdırılıb ki, ölkəmizin İsraildə səfirliyinin açılması ikitərəfli münasibətlərin yeni mərhələyə yüksəldiyini göstərir. Azərbaycan Respublikası Hökuməti ilə İsrail Dövləti Hökuməti arasında Birgə Komissiya, həmçinin Azərbaycanın İsraildəki Ticarət nümayəndəliyi ölkələrimiz arasında tərəfdaşlığın inkişafı üçün əhəmiyyətli platformalardır. Ölkələrimiz iqtisadi-ticarət əməkdaşlığının gücləndirilməsi istiqamətində işləri davam etdirir. İsrail Azərbaycanın əsas ticarət tərəfdaşları sırasındadır. İsraillə qarşılıqlı investisiya, həmçinin, energetika, kənd təsərrüfatı, İT, innovasiya, əczaçılıq, turizm və s. sahələr üzrə səmərəli əməkdaşlıq mövcuddur. Ötən il işgüzar dairələrimiz arasında əlaqələrin genişləndirilməsi istiqamətində fəal iş aparılıb. İsrail şirkətləri ilə birgə investisiya layihələrinin reallaşdırılması üzrə işlər davam edir. İsrail şirkətləri ilə həmçinin, sənaye zonaları və aqroparklar, su təsərrüfatı və digər sahələr üzrə də tərəfdaşlıq edilir. İsraillə innovativ inkişaf və rəqəmsal iqtisadiyyat sahəsində əməkdaşlıq Azərbaycan üçün xüsusi önəm daşıyır. İqtisadiyyat naziri Azərbaycanın əlverişli işgüzar mühiti, azad edilmiş ərazilərimizdə həyata keçirilən quruculuq layihələri, sənaye zonalarının fəaliyyəti, Ələt Azad İqtisadi Zonasının imkanları barədə məlumat verib. İsrail Dövlətinin xarici işlər naziri Eli Kohen ölkəsinin Azərbaycanla əlaqələrin genişlənməsinə önəm verdiyini, İsrail şirkətlərinin müxtəlif sahələrdə tərəfdaşlığa maraq göstərdiyini qeyd edib, əməkdaşlığın gücləndirilməsi üçün geniş imkanların olduğunu vurğulayıb. Görüşdə iki ölkə arasında əlaqələrin mövcud vəziyyəti və perspektivlər barədə müzakirələr aparılıb.

https://sputnik.az/20230419/lham-eliyev-srailin-xarici-isler-nazirini-qebul-edib-453936816.html

2023

xəbərlər

ru_AZ

prezident ilham əliyev, eli kohen, israil, mikayıl cabbarov