https://sputnik.az/20211218/ctimai-islere-celb-olunanlarin-da-maaslari-artirildi-437366118.html

İctimai işlərə cəlb olunanların da maaşları artırıldı

İctimai işlərə cəlb olunanların da maaşları artırıldı

Sputnik Azərbaycan

DOST İş Mərkəzindən verilən məlumata görə, ödənişli ictimai işlər proqramı əsasında 56 min iş yeri var. 18.12.2021, Sputnik Azərbaycan

2021-12-18T16:49+0400

2021-12-18T16:49+0400

2021-12-18T16:49+0400

iş

iqtisadiyyat

maaş

artım

dost iş mərkəzi

ictimai iş

https://cdnn1.img.sputnik.az/img/42350/89/423508953_0:0:2001:1125_1920x0_80_0_0_bd41b50efd613ebc140f3fbb9ae7ab78.jpg

BAKI, 18 dekabr — Sputnik. Prezident İlham Əliyevin yeni Sərəncamı ilə minimum əməkhaqqının artırılması Əmək və Əhalinin Sosial Müdafiəsi Nazirliyinin DOST İş Mərkəzi tərəfindən ödənişli ictimai işlərə cəlb olunanların da maaş artımına imkan verib.DOST İş Mərkəzindən Sputnik Azərbaycan-a bildirilib ki, 2022-ci ilin əvvəlindən həmin işçilərin də əməkhaqqı yeni artıma uyğun olaraq orta hesabla 20 faiz artırılacaq və 300 manata çatdırılacaq. İşsiz və işaxtaranların məşğulluq imkanlarının artırılmasında mühüm rol oynayan ödənişli ictimai işlər proqramı əsasında 56 min iş yeri var. Bu iş yerlərinə cəlb olunanların hər biri ilə əmək müqaviləsi bağlanılıb ki, bu da həmin şəxslərin gələcək sosial təminat hüquqlarına əsas yaradır.Qeyd edək ki, ölkəmizdə vətəndaş rifahının təminatı istiqamətində islahatların növbəti mərhələsinə başlanıb. Prezident İlham Əliyevin imzaladığı yeni Sərəncamla minimum aylıq əməkhaqqının məbləği artırılaraq 250 manatdan 300 manata çatdırılıb. Sərəncam 1 yanvar 2022-ci ildən tətbiq ediləcək.Dövlət büdcəsindən maliyyələşdirilən sahələrdə çalışan işçilərin maaşlarının minimum məbləğləri də bu Sərəncama uyğunlaşdırılacaq. Minimum əməkhaqqının artımı vahid tarif cədvəlinin (VTC) bütün pillələri üzrə artımlara imkan verəcək.Ümumilikdə minimum əməkhaqqı və VTC üzrə işləyənlərin əməkhaqqının artımı 800 min nəfərə şamil olunacaq. Dövlət sektoru üzrə 400 min, özəl sektor üzrə 400 min işçinin mövcud əməkhaqları yanvar ayından artacaq.Minimum əməkhaqqı artımı üçün illik əlavə maliyyə xərci 460 milyon manat təşkil edir.Haqqı ödənilən ictimai işlər – işsiz şəxslərin müvəqqəti məşğulluğunu təmin etmək məqsədi ilə “Məşğulluq haqqında” Azərbaycan Respublikasının Qanununa uyğun olaraq təşkil edilən ilkin peşə hazırlığının olmasını tələb etməyən ictimai faydalı xarakter daşıyan iş yerləridir.

2021

xəbərlər

ru_AZ

ictimai işlər cəlb olunanlar maaşlar artırıldı dost əməkhaqqı