22:23 24 Sentyabr 2021
Canlı yayım
  • USD1.7000
  • EUR1.9961
  • RUB0.0234
DÜNYA
Qısa URL
14 0 0

Fartinqlə heyvanlar üçün Daşkənd üzərindən xüsusi reys təşkil ediblər. Kabil aeroportunadək sığınacaq rəhbərilə heyvanları britaniyalı əsgərlər müşayiət ediblər. 

BAKI, 29 avqust - Sputnik. Keçmiş britaniyalı hərbçi, heyvanlar üçün sığınacağın yaradıcısı Pen Fartinq Kabildən 200 it və pişiyin necə çıxarılmasından danışıb. The Sun-a müsahibəsində Fartinq Əfqanıstandakı sığınacağın işçilərini çıxara bilmədiyini deyib.

Fartinq qeyd edib ki, onun mərkəzinin əməkdaşlarına ölkəni tərk etməyə icazə verməyiblər, çünki onlar Əfqanıstan vətəndaşlarıdır.

"Onları Kabildə qoymaq mənə ağır gəlir. Bəzi əməkdaşlar mənimlə birlikdə aeroporta gəldilər, ancaq onları təyyarəyə minməyə qoymadılar. Qarışıq hisslər keçirirəm. Bir tərəfdən onlarla vidalaşdığıma görə kədərliyəm, bir tərəfdən də sevinirəm ki, heyvanlar salamatdır", - Fatrinq deyib.

Fartinqlə heyvanlar üçün Daşkənd üzərindən xüsusi reys təşkil ediblər. Böyük Britaniyanın Müdafiə Nazirliyinin mətbuat xidməti Twitter-də qeyd edib ki, Kabil aeroportunadək sığınacaq rəhbərilə heyvanları britaniyalı əsgərlər müşayiət ediblər. 

Avqustun 27-də Taliban* üzvləri Kabil aeroportunun ərazisinə daxil olublar. İddialara görə, aeroportun müəyyən hissələrinə nəzarət artıq onların əlindədir.

Keçmiş britaniyalı hərbçi Pen Fartinq cəbhədə bir iti xilas etdikdən sonra 2007-ci ildə Kabildə itlər və pişiklər üçün sığınacaq yaratmışdı. Onun bu mərkəzi Əfqanıstanda heyvanların xilası üçün ilk rəsmi sığınacaq idi.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

Eləcə də oxuyun:

Teqlər:
sığınacaq, heyvanlar, it, pişik, Böyük Britaniya, Əfqanıstan, təxliyə, aeroport, Kabil

Əsas mövzular