07:19 27 İyul 2021
Canlı yayım
  • USD1.7000
  • EUR2.0023
  • RUB0.0230
DÜNYA
Qısa URL
Yeni tip koronavirus pandemiyası (729)
7 0 0

Jair Bolsonaru kuryoz əməlləri ilə məşhurdur. Braziliya lideri pandemiya başlayandan ona etinasız yanaşması ilə diqqət çəkirdi.

BAKI, 3 iyul - Sputnik. Braziliya Ali Məhkəməsi ölkə prezidenti Jair Bolsonaruya qarşı cinayət işi açılmasına icazə verib.

Sputnik Azərbaycan Associated Press-ə istinadən bildirir ki, Bolsonaru Hindistanın "Covaxin" COVID-19 əleyhinə vaksinini alarkən vəzifə cinayəti törətməkdə ittiham olunur.

İyulun 3-də elan edilmiş qərara görə, Ali Məhkəmənin hakimi Roza Veber COVID-19 pandemiyası ilə bağlı hökumətin fəaliyyətini araşdıran Senat komitəsinin verdiyi ifadələr cinayət işinə əlavə olunub.

Prokuratura Bolsonarunun 20 milyon doza "Covaxin" peyvəndi alınarkən ehtimal olunan qanun pozuntuları ilə bağlı hüquq-mühafizə orqanlarına məlumat verməməklə vəzifə cinayəti törədib-törətmədiyini aşkara çıxarmaq istəyir. Veber digər potensial qanun pozuntularının da araşdırılacağını istisna etməyib.

Bundan bir qədər öncə məlumat verilmişdi ki, Braziliyanın Sanitar Nəzarəti üzrə Milli Agentliyi (Anvisa) Rusiyanın "Sputnik-V" vaksininin istifadəsinin təsdiqi barədə məsələyə yenidən baxacaq.

 

Jair Bolsonaru kuryoz əməlləri ilə məşhurdur. Braziliya lideri pandemiya başlayandan ona etinasız yanaşması ilə diqqət çəkirdi. O, küçəyə maskasız və əlcəksiz çıxır, tərəfdaşları ilə heç bir sosial məsafə saxlamadan ünsiyyət qurur, onlarla şəkil çəkdirirdi. 2020-ci il iyulun 7-də isə o, koronavirusa yoluxduğunu etiraf etdi.

Bundan bir il öncə, 2019-cu il avqustun 27-də isə Bolsonaru Fransa Prezidenti Emmanuel Makronun xanımı Bricit Makronu sosial şəbəkədə təhqir etməklə qalmaqal qoparmışdı.

Eləcə də oxuyun:

  • Koronavirus zarafat sevmir: xəstəliyi vecinə almayan prezident yoluxdu
  • Prezidentlərin arvad davası - yanğın bəhanə imiş

  • Məşhur yazıçı prezidentin hərəkətlərinə görə üzr istədi

  •  

    Koronavirusa inanmayan prezident özündən də pis naziri işdən qovdu

Mövzu:
Yeni tip koronavirus pandemiyası (729)
Teqlər:
vaksin, Koronavirus, epidemiya, COVID-19, cinayət işi, prezident, Braziliya

Əsas mövzular