BAKI, 28 aprel — Sputnik. Heç bir investor, heç bir sağlam düşüncəyə malik şəxs Ermənistana investisiya yatırmır və yatırmayacaq. Sputnik Azərbaycan xəbər verir ki, bunu Ermənistanın sabiq prezidenti Robert Koçaryan "Aysor" nəşrinə müsahibəsində bildirib.
"Heç bir investor, heç bir sağlam düşüncəyə malik şəxs Ermənistana investisiya yatırmır və yatırmayacaq. Bank sistemini dağıtdılar, biznesmenləri incitməyə və təqib etməyə başladılar. İnvestisiyaların üstündən xətt çəkmək üçün yalnız bir cümlə kifayətdir. Baş nazir deyəndə ki, hər bir biznesmenə bir Milli Təhlükəsizlik Xidməti (MTX) əməkdaşı təhkim olunacaq, onda bu o anlama gəlir ki, investorun psixologiyasını anlamaq sıfır səviyyədədir. Bu cür axmaqlığı düşünmək belə çətindir", - deyə Koçaryan qeyd edib.
