Türk səfir Armen Sarkisyanın saxtakarlığını ifşa etdi

© Sputnik / Mediabanka keçidПрезидент Армении Армен Саркисян, фото из архива
Президент Армении Армен Саркисян, фото из архива - Sputnik Azərbaycan, 1920, 18.04.2021
Abunə olmaq
Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

BAKI, 18 aprel - Sputnik. Türkiyənin Gürcüstandakı səfiri Fatma Ceren Yazqan Ermənistan prezidenti Armen Sarkisyanın Tbilisiyə rəsmi səfəri çərçivəsində əl atdığı təxribata münasibət bildirib.

Sputnik Azərbaycan Report-a istinadla xəbər verir ki, diplomat Twitter hesabında Ağrı dağının Türkiyədə ən hündür dağ olduğunu yazıb.

F.C.Yazqan bu barədə məlumatı gürcü və erməni dillərində də əlavə edib: “Sadəcə əmin edirəm ki, faktlar karikaturistik diplomatiyada itmir”.

Qeyd edək ki, A.Sarkisyan Gürcüstanın prezident sarayının fəxri qonaqlar kitabında yazı ilə yanaşı Ağrı dağının konturları ilə rəsm də çəkib. Bu fakt Gürcüstan prezidenti Salome Zurabişvilinin həmin səhifənin fotoşəklini sosial şəbəkədə paylaşmasından sonra məlum olub.

Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

Xəbər lenti
0