Qazaxıstanda ölüm hökmü rəsmən ləğv edilib

© AP Photo / Vladimir TretyakovФлаг Казахстана, фото из архива
Флаг Казахстана, фото из архива - Sputnik Azərbaycan
Abunə olmaq
Prezident Kasım-Jomart Tokayev ölkədə ölüm hökmünün ləğv edilməsinə yönəlmiş BMT-nin Mülki və siyasi hüquqlara dair Beynəlxalq Paktının ikinci fakultativ protokolunun təsdiq edilməsi haqqında qanunu imzalayıb.

BAKI, 2 yanvar - Sputnik. Qazaxıstanda ölüm hökmü rəsmən ləğv edilib.

Sputnik Azərbaycan xəbər verir ki, bu barədə Qazaxıstan Prezidentinin mətbuat xidməti məlumat yayıb.

Məlumata görə, Prezident Kasım-Jomart Tokayev ölkədə ölüm hökmünün ləğv edilməsinə yönəlmiş BMT-nin Mülki və siyasi hüquqlara dair Beynəlxalq Paktının ikinci fakultativ protokolunun təsdiq edilməsi haqqında qanunu imzalayıb.

Qazaxıstan protokolu 2020-ci ilin sentyabrında imzalayıb. Bu, beynəlxalq sənədə əsasən, protokolu imzalayan ölkələr ölüm hökmünü tətbiq etməmək və öz yuridiksiyası daxilində onun ləğvi üçün bütün lazımi tədbirləri görmək kimi öhdəliklər götürür.

Qazaxıstanın Xarici İşlər naziri Muxtar Tleuberdi daha əvvəl bildirib ki, sənəddə yalnız bir istisnaya - müharibə dövründə edam cəzasının tətbiqinə icazə verilir. Onun sözlərinə görə, Qazaxıstan bu bənddən istifadə etmək niyyətindədir.

Hazırda respublikada edam cəzasına moratorium qoyulub. 17 dekabr 2003-cü ildə Qazaxıstanın ilk Prezidenti Nursultan Nazarbayev ölüm hökmünün ləğvi barədə qərar çıxana qədər cəzaların icrasına müddətsiz moratorium tətbiq olunduğunu elan edib. Fərman 1 yanvar 2004-cü ildə qüvvəyə minib.

Xəbər lenti
0