Bir zamanların ən məşhur modeli evində ölü tapılıb

BAKI, 26 dekabr — Sputnik. 90-cı illərin ən populyar modellərindən biri olan Stella Tennant 50 yaşını qeyd etdikdən bir neçə gün sonra qəflətən vəfat edib.

Sputnik Azərbaycan xarici mediaya istinadən xəbər verir ki, ailə üzvləri modelin evində cansız bədəninin tapıldığını açıqlayıblar. Stellanın iki gün əvvəl dünyasını dəyişdiyi qeyd edilsə də, ölüm səbəbi barədə məlumat verilməyib. Polis araşdırmalarından sonra şübhəli bir vəziyyət olmadığı açıqlanıb.

​Qeyd edək ki, Stella Tennant 1993-cü ildə "Vogue" jurnalının İngiltərədəki nəşrinə verdiyi poza ilə karyerasında böyük sıçrayış edib. Daha sonra məşhur şirkətlərin tanıtım siması olaraq çalışıb, dünyaca populyar birinə çevrilib.