BAKI, 5 noyabr — Sputnik. Türkiyənin Muş şəhərində koronavirus əleyhinə tədbirlər çərçivəsində küçə, meydan, park , bağça kimi ictimai yerlərdə siqaret və buna bənzər tütün məhsullarının istifadəsi qadağan edilib. Bu barədə Sputnik Türkiyə xəbər verir.
Qaydanı pozan şəxslərə cərimələnəcəklər.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 48 milyonu keçib, 1,22 milyondan çox adam isə virus səbəbilə ölüb.
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.
