BAKI, 16 avqust — Sputnik. Qazaxıstanın birinci prezidenti Nursultan Nazarbayevin nəvəsi Aysultan qəfildən vəfat edib.
Sputnik Azərbaycan bildirir ki, bu barədə zakon.kz portalı məlumat yayıb.
İlkin məlumatlara görə, 30 yaşına çatmamış Aysultanın ürəyi dayanıb. O, Londonda ölüb. Digər təfərrüat yoxdur.
Media reports say Aysultan Nazarbayev has died, possibly heart attack, cause of death being determined #Kazakhstan https://t.co/es9LIHELzC
— Joanna Lillis (@joannalillis) August 16, 2020
Aysultan Nazarbayev 1990-cı il avqustun 26-da doğulub. O, prezidentin böyük qızı Dariqa Nazarbayevanın oğludur.
Aysultan Sandhörstdəki Kral Hərbi Akademiyasının məzunu olub, Qazaxıstanın Müdafiə NAzirliyinin Baş Kəşfiyyat İdarəsində çalışıb. Futbolla maraqlanırmış, hətta bir müddət əvvəl Britaniyanın "Portsmut" komandasında da oynamağa cəhd edib.
