BAKI, 2 avqust — Sputnik. Əfqanıstanın Cəlalabad şəhərində terrorçunun partladıcı ilə dolu avtomobili partlatması nəticəsində 2 nəfər ölüb, 20 nəfər yaralanıb.
Sputnik Azərbaycan bildirir ki, bu barədə TOLO News xəbər yayıb.
Telekanalın məlumatına görə, Nanqarhar vilayətinin inzibati mərkəzindəki partlayış həbsxananın yanında baş verib.
#Jalalabad Prison Under Attack, '2 Killed, 20 Injured'https://t.co/psiP3jiwvZ
— TOLOnews (@TOLOnews) August 2, 2020
The Taliban denies involvement in the attack. pic.twitter.com/rK3FRbfjvQ
Bildirilir ki, həmin həbsxananın üst mərtəbəsində Əfqanıstanda fəaliyyət göstərən ekstremist qrupların döyüşçüləri saxlanılırlar.
Telekanal bildirib ki, Taliban terrorçu qrupu hücumda əlinin olmadığını bəyan edib. Bundan öncə Əfqanıstanda 5000 talibdən 4600-ü azadlığa buraxılmışdı.
Eyni zamanda ötən axşam Nanqarharda terrorçu “İslam dövləti” təşkilatının “Xorasan” qolunun kəşfiyyatının rəhbərini Əsədulla Orakzaini məhv ediblər. Orakzai Əfqanıstanda təşkil olunan hücumlara və təşkilatın daxilindəki rəqibləri məhv etməyə görə məsuliyyət daşıyırdı. Buna görə onu “İŞİD-in qəssabı” adlandırırdılar.
