BAKI, 18 iyun — Sputnik. İraq Türkiyədən bu ölkənin şimalında olan qoşunlarını geri çəkməyi və bölgənin bombardmanlarının dayandırılmasını istəyib. Sputnik Azərbaycan xəbər verir ki, Türkiyənin səfiri İraq Xarici İşlər Nazirliyinə çağırılıb və ona nota verilib.
#وزارة_الخارجيّة تستدعي السفير التركيّ @FATIHYILDIZ_MFA في #العراق مُجدّداً اليوم، وتُسلّمه مُذكّرة احتجاج شديدة اللهجة داعية إلى الكفّ عن مثل هذه الأفعال الاستفزازيّةhttps://t.co/oLyRtGmFsO
— وزارة الخارجية العراقية (@Iraqimofa) June 18, 2020
Nazirlik Türkiyəni kürd qüvvələrini hədəf alan İraqın şimalındakı əməliyyatlarına son verməyə çağırıb: "Türkiyənin bombardmanı durdurması və hücum güclərini İraq torpaqlarından geri çəkməli olduğunu vurğulayırıq. Bu pozuntuları qəti şəkildə pisləyirik".
Qeyd edək ki, Türkiyə Müdafiə Nazirliyi ötən gün İraqın şimalında, Həftani bölgəsində Pəncə - Pələng əməliyyatına başladığını bildirib. Bu gün yayılan məlumatda Türkiyə tərəfinin İraqın şimalında əməliyyatlar zamanı terrorçulara məxsus 500-dən çox hədəfini zərərsizləşdirdiyi qeyd edilib.
