03:16 20 Oktyabr 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
Neft qiymətləri ətrafındakı ajiotaj (48)
2210

Səudiyyə Ərəbistanı Rusiya ilə qiymət müharibəsi başladıqdan sonra Avropa və Asiyadakı müştəriləri üçün etdiyi neft endirimlərinin hamısını ləğv edib

BAKI, 8 iyun — Sputnik. OPEC+ formatında danışıqların uğurla nəticələnməsinin ardından, Səudiyyə Ərəbistanı Rusiya ilə qiymət müharibəsi başladıqdan sonra Avropa və Asiyadakı müştəriləri üçün etdiyi neft endirimlərinin, demək olar ki, hamısını ləğv edib. Sputnik Azərbaycan xəbər verir ki, bu barədə Bloomberg yazıb.

Şirkətlərin qiymət siyahısından da göründüyü kimi,  iki onillik ərzində artım ən ciddi səviyyədə olub və ilk növbədə,  iyuldakı Asiyaya daşınmalara toxunub.

Krallığın hərəkətləri göstərir ki, o, istənilən yolla neftin qiymətlərinin özünə münasib səviyyələrə qalxmasına nail olmağa çalışır. "Saudi Aramco" Dövlət Şirkəti Yaxın Şərqdə qiymətlərin de-fakto tənzimləyicisidir. Buna görə də Ər-Riyad ümid edir ki, onun nümunəsini regionun digər istehsalçıları da izləyəcəklər.

İyunun 6-da OPEC+ ölkələri neft hasilatının, demək olar ki, maksimum həcmdə azaldılmasının uzadılmasına dair razılığa gəliblər. Əgər may və iyun aylarında sutkalıq hasilat 9,7 milyon barelə çatırdısa, iyul ayında bu göstərici daha əvvəl nəzərdə tutulduğu kimi 7,7 milyon deyil, 9,6 milyon barelə çatacaq.

Bu qərar neftin qiymətlərinə müsbət təsir göstərib. İyunun 8-də alqı-satqı başlayanda Brent çeşidinin qiyməti 43,5 dollara çatıb, sonra isə 43 dollaradək nizamlanıb. Sonuncu dəfə xammal bu qiymətə üç ay əvvəl, martın 6-da OPEC+ razılaşmasının pozulduğu məlum olanadək satılıb. Tərəflər aprel ayında yeni saziş imzalayıblar və bu, may ayında qüvvəyə minib.

Mövzu:
Neft qiymətləri ətrafındakı ajiotaj (48)

Əlaqədar

Yeni təhlükə: neft müharibəsindən sonra qaz müharibəsi gələ bilər
Fürsət var, istifadə et: Çin ucuz neft almaq istəyir
ABŞ öz neftindən məhrum ola bilər
"Barelə görə min dollar": ABŞ-ın planı neft bazarını şoka salır
Azərbaycan nefti neçəyə satılır?

Əsas mövzular