Avropalılar xoş gəliblər - Lukaşenko Aİ ilə viza rejimini sadələşdirdi

© Sputnik / Mikhail KlimentyevПрезидент Республики Беларусь Александр Лукашенко
Президент Республики Беларусь Александр Лукашенко - Sputnik Azərbaycan
Abunə olmaq
Sazişə əsasən, avropalılar üçün Belarusda qalma müddəti 90 gün olacaq, viza rüsumu kimi 35 avro ödənilməlidir.

BAKI, 14 aprel — Sputnik. Belarus Prezidenti Aleksandr Lukaşenko Avropa İttifaqı (Aİ) ilə viza rejiminin sadələşdirilməsi və readmissiya haqqında saziş imzalayıb.

Sputnik Azərbaycan xəbər verir ki, müvafiq sənədlər Belarusun milli qanunlar portalında yerləşdirilib.

"Belarus və Avropa İttifaqı arasında viza verilməsinin sadələşdirilməsi haqqında 2020-ci il yanvarın 8-də Brüsseldə imzalanmış Saziş ratifikasiya edilsin", - Lukaşenko tərəfindən imzalanmış qanunda deyilir.

Sazişə əsasən, ölkədə qalma müddəti 90 gün olacaq, viza rüsumu kimi 35 avro ödənilməlidir. 12 yaşadək uşaqlar, əlillər, rəsmi nümayəndə heyətlərinin üzvləri, şagirdlər, tələbələr və aspirantlar, habelə elmi, mədəni, bədii və idman fəaliyyətinin iştirakçıları və bəzi təşkilatların üzvləri rüsumdan azad ediləcəklər.

Xəbər lenti
0