BAKI, 9 fevral — Sputnik. Çinin ABŞ-dakı səfiri Tsuy Tyankay yeni tip koronavirusun bioloji silah olması barədə şayiələri sayıqlama adlandırıb.
Sputnik Azərbaycan RİA Novosti-yə istinadən bildirir ki, səfir müxtəlif spekulyasiyaların olduğunu deyib. Onun sözlərinə görə, "daha çox bəziləri deyirlər ki, guya virus Çin və ya ABŞ-ın hərbi laboratoriyalarından birində hazırlanıb".
China's ambassador to the United States just went on CBS' "Face the Nation" and DID NOT deny that coronavirus stemmed from the Chinese military's biological warfare program.
— Steve Guest (@SteveGuest) February 9, 2020
Amb. Cui Tiankai then suggested that the virus could come from a US military lab. pic.twitter.com/z2g254iccz
"Biz bu sayıqlamalara necə inana bilərik axı? Bu, cəfəngiyyatdır", - diplomat CBS telekanalının efirində deyib.
Səfir deyir ki, alimlər hələlik virusun haradan peyda olduğunu dəqiqləşdirə bilmirlər.
"İlkin məlumatlara görə, hansısa heyvanlardan törəyib. Amma biz bu haqda daha çox məlumata sahib olmalıyıq", - Tsuy Tyankay vurğulayıb.
Diplomat etiraf edib ki, virusun peyda olduğu məkanlarda ilkin məlumatlara reaksiya yetəri qədər operativ olmaya bilər.
"Bu, istənilən bir yerdə ola bilərdi. Ancaq biz vəziyyəti düzəltmək üçün əlimizdən gələni edirik", - səfir əmin edib.
