02:37 18 Fevral 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
14 0 0

Çavuşoğlu vurğulayıb ki, Almaniya Kansleri Angela Merkel qaçqınlarla bağlı sazişin imzalanmasında böyük rol oynayıb və bu da bəzi Avropa İttifaqı ölkələrində qısqanclığa səbəb olub.

BAKI, 23 yanvar — Sputnik. Avropa İttifaqı (Aİ) Suriyada vətəndaş müharibəsinin başlamasından sonra qaçqınlarla bağlı məsələlərin həlli üçün Ankaraya söz verdiyi 6 milyard avronun yarısını belə ödəməyib.

Sputnik Azərbaycan "Anadolu" agentliyinə istinadən xəbər verir ki, bunu Türkiyənin Xarici İşlər naziri Mövlud Çavuşoğlu Almaniyanın "Bild" nəşrinə müsahibəsində ölkəsi ilə Aİ əlaqələrində hazırkı durumu dəyərləndirərkən bildirib.

Çavuşoğlu vurğulayıb ki, Almaniya Kansleri Angela Merkel qaçqınlarla bağlı sazişin imzalanmasında böyük rol oynayıb və bu da bəzi Avropa İttifaqı ölkələrində qısqanclığa səbəb olub.

Almaniyanın miqrantlarla bağlı sazişi dəstəklədiyini xatırladan Çavuşoğlu vurğulayıb ki, bu razılaşma nəticəsində Avropaya qeyri-qanuni yolla keçən insanların sayı kəskin şəkildə azalıb: "Razılaşmaya qədər hər gün 7000-dən çox miqrant Türkiyədən Yunanıstana keçirdisə, sazişin imzalanmasından sonra gündəlik olaraq 57 nəfər Yunanıstana məxsus adalara daxil olur".

O, həmçinin xatırladıb ki, bəzi Mərkəzi və Şərqi Avropa ölkələri miqrantları qəbul etmək istəmədi və bununla da Almaniyanı pis vəziyyətə qoydu.

Çavuşoğlu vurğulayıb ki, öhdəliklərin yerinə yetirilməməsinə baxmayaraq, Türkiyə Avropa İttifaqı ilə imzalanan razılaşmaya sadiqdir.

Əsas mövzular