BAKI, 19 yanvar — Sputnik. Türkiyənin Malatya şəhərində yaşayan 28 yaşlı Abdullah Özkaya 10 ildir ki, uzatdığı 42 santimetr uzunluğunda olan saqqalını satışa çıxarıb. Sputnik Azərbaycan-ın Türkiyə mediasına istinadən xəbərinə görə, o, saqqalını 10 min TL, yəni 1700 dollara satışa çıxarıb. Özkaya saqqalını alan şəxsə 60 santimetr uzunluğunda olan saçını da hədiyyə edəcəyini bildirib.
Sakallarını 10 bin TL'ye satışa çıkardı https://t.co/C3d73eR0eh
— Acunn.com (@Acuncom) January 18, 2020
Özkaya deyib ki, 10 ildir ki, saqqalına xüsusi qulluq edir. Bunun üçün o, xüsusi maskalardan da istifadə edib. 28 yaşlı gənc satışdan əldə etdiyi gəlirdən əsgərlik xərclərinin bir qismini qarşılayacağı ilə yanaşı, aktyor dostu olan bir şəxsə kömək edəcəyini də bildirib.
A.Özkaya satıcı tapa bilməzsə, bu zaman saqqal və saçını Uşaqların Sağlamlıq və Təhsil Vəqfinə bağışlayacağını bildirib.
