20:26 02 Dekabr 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
80310

Birləşmiş Ştatlar Prezidenti Donald Tramp Viskonsin ştatından olan tərəfdarları önündə İranla bağlı maraqlı açıqlama verib

BAKI, 15 yanvar — Sputnik. Rəsmi Vaşinqtonun addımları İranda rejimin dəyişməsinə istiqamətlənməyib. Sputnik Azərbaycan "RT"-yə istinadən xəbər verir ki, bunu Birləşmiş Ştatlar Prezidenti Donald Tramp Viskonsin ştatından olan tərəfdarları önündə çıxışı zamanı bildirib.

"Biz İranda aksiyaları diqqətlə, çox diqqətlə izləyirik. Biz rejimin dəyişməsinə cəhd etmirik", - deyə Tramp vurğulayıb.

Xatırladaq ki, yanvarın 3-də gecə Bağdad aeroportu yaxınlığında ABŞ pilotsuz uçuş aparatından endirilən zərbə nəticəsində İran İslam İnqilabı Keşikçiləri Korpusunun xüsusi təyinatlı "Qüds" Qüvvələrinin komandanı general Qasım Süleymani, Hüseyn Pur Cəfəri, Şəhruz Müzəffərinia, Hadi Taremi, Vəhid Zamaninia və İraqın könüllü "Həşdi-Şaabi" qruplaşmasının komandir müavini Əbu Mehdi Əl-Mühəndis daxil olmaqla 10 nəfər öldürülüb. İranın Ali dini lideri Əli Xamenei və İran Prezidenti Q.Süleymaninin ölümünə görə ABŞ-dan qisas alınacağını bəyan edib.

Yanvarın 8-i isə İran Silahlı Qüvvələrinin elit bölməsi olan İslam İnqilabı Keşikçiləri Korpusu ABŞ-ın İraqdakı aviabazalarına raket zərbəsi endirib.

"Press TV" telekanalının məlumatına görə, İranın ABŞ-ın İraqdakı hərbi bazalarına raket zərbəsi nəticəsində 80 nəfər ölüb. Rəsmi Vaşinqton isə aviazərbələr nəticəsində itkinin olmadığını bildirib.

Yanvarın 8-də Ukrayna Beynəlxalq Hava Yollarına məxsus "Boeing" sərnişin təyyarəsinin Tehranın İmam Xomeyni hava limanı yaxınlığında qəzaya uğramasına dair məlumat verilib. Hadisədə təyyarənin göyərtəsində olan 176 nəfərin hamısı həlak olub.

Lakin İranın Xarici İşlər naziri Məhəmməd Cavad Zərif yanvarın 11-i paylaşdığı tvitində qeyd edib ki, silahlı qüvvələr tərəfindən aparılmış təhqiqat nəticəsində "Boeing 737-800" təyyarəsinin "insan səhvi" səbəbindən vurulduğu məlum olub. O, faciənin ABŞ avantürizminin səbəb olduğu böhran zamanı baş verdiyini deyib.

Əlaqədar

Tramp əsəbiləşdi: "İranın hansı addım atacağı məni narahat etmir"
İranın başı yenə dərddə: dünya bu görüntülərdən danışır – VİDEO
İran-ABŞ gərginliyinin əhatə dairəsi genişlənə bilərmi – politoloq danışır
Trampın güvəndiyi "dağlar" ondan narazıdır
Süleymaninin qətli ilə bağlı gizli məlumatlar üzə çıxdı

Əsas mövzular