Tramp: "İranlılar heç azacıq da olsa, kədərlənmirlər"

© REUTERS / Leah MillisПрезидент США Дональд Трамп во время предвыборной кампании в Баттл-Крике, штат Мичиган, США
Президент США Дональд Трамп во время предвыборной кампании в Баттл-Крике, штат Мичиган, США - Sputnik Azərbaycan
Abunə olmaq
"(İran) liderləri nə qədər dünyanı əksinə əmin etməyə çalışsalar da, onlar heç azacıq da olsun kədərlənmirlər. Onu hələ illər əvvəl aradan götürmək lazım idi!"

BAKI, 3 yanvar — Sputnik. İranlı general Qasım Süleymaninin məhvindən sonra ABŞ Prezidenti Donald Tramp yenidən vurğulayıb ki, İran heç vaxt müharibəni qazanmayıb.

Sputnik Azərbaycan RİA Novosti-yə istinadən bildirir ki, bu gün Pentaqon İslam İnqilabı Keşikçiləri Korpusunun (SEPAH) "Qüds" xüsusi dəstəsinin rəisi general Qasım Süleymaniyə qarşı ABŞ-ın əməliyyat keçirdiyini təsdiqləyib. İranın İraqdakı səfiri İrac Məscidi bildirib ki, hadisə nəticəsində 12 nəfər ölüb. Onların arasında İraqın "əl-Həşd əş-Şəhabi" şiə qruplaşmasının bir neçə lideri, o cümlədən şiələrin komandirinin müavini Əbu Mehdi əl-Mühəndisi də olub.

"İran heç vaxt müharibəni udmayıb, amma heç vaxt danışıqlarda uduzmayıb", - deyə Tramp Twitter hesabında yazıb.

Oxşar məzmunlu tviti ABŞ lideri ötən ilin iyulunda da yazmışdı: "Sadəcə unutmayın ki, İran heç vaxt müharibələri udmayıb, buna rəğmən danışıqlarda heç zaman uduzmayıb". Həmin vaxt Tramp nəyi nəzərdə tutduğunu açıqlamamışdı.

Tramp öldürülən Süleymani barədə də söz deməyi unutmayıb: "General Qasım Süleymani uzun müddət ərzində minlərlə amerikalını öldürüb və ya yaralayıb. Hətta daha çoxunu öldürməyi planlaşdırıb. Amma ələ keçdi! O, milyonlarla insanın, o cümlədən İranın daxilində olanların da ölümündə birbaşa və ya dolayı yolla günahkar idi".

​"İran heç vaxt etiraf edə bilməsə də, ölkə daxilində Süleymanidən qorxur və ona nifrət edirdilər. (İran) liderləri nə qədər dünyanı əksinə əmin etməyə çalışsalar da, onlar heç azacıq da olsun kədərlənmirlər. Onu hələ illər əvvəl aradan götürmək lazım idi!" - Tramp əlavə edib.

İran kəşfiyyatı İran İslam İnqilabı Keşikçiləri Korpusunun (İİKK) Qüds Ordusu korpusunun başçısı, general-mayor Qasim Süleymani - Sputnik Azərbaycan
Süleymaninin konvoyunun vurulduğu anlar - VİDEO

"Qüds" xüsusi dəstəsinin başçısı Qasım Süleymani yanvarın 2-də axşam saatlarında öldürülüb. Pentaqondan bildirilib ki, Bağdad aeroportuna hücum əmrini Prezident Donald Tramp verib. ABŞ həlak olan general Süleymanini dekabrın 31-də bu ölkənin İraqdakı səfirliyinə və koalisiya qüvvələrinin bazalarına hücumda təqsirli bilir.

İran XİN rəhbəri Məhəmməd Cavad Zərif İİKK generalının ölümünü "beynəlxalq terrorizm aktı" adlandırıb.

İranın dini lideri ayətullah Əli Xamneyi də ABŞ-ı qisasla hədələyib.

Xəbər lenti
0