BAKI, 12 dekabr — Sputnik. Nigerin qərbindəki Tillaberi bölgəsində hərbi qarnizona edilən hücumda 70 əsgər ölüb.
Sputnik Azərbaycan "Anadolu" agentliyinə istinadən xəbər verir ki, terrorçular dünən axşam Tillaberi bölgəsində hərbi qarnizona hücum ediblər. Əsgərlər axşam namazını qılmağa hazırlaşarkən, terrorçular ağır silahlarla ətrafa atəş açıblar.
Hələlik rəsmi açıqlama verilməsə də, təhlükəsizlik mənbələri ən azı 70 əsgərin öldürüldüyünü, 57 terrorçunun zərərsizləşdirildiyini deyiblər. Bir çox əsgər itkin düşüb.
Qeyd edək ki, Tillaberi və Tahoua bölgələrində 2017-ci ildən bəri tətbiq edilən fövqəladə vəziyyət rejimi daha 3 ay uzadılmışdı.
