SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Tbilisidə hökumətin istefası tələbilə növbəti aksiya başlayıb

© Sputnik / Alexander ImedashviliТретий день акций протеста у здания парламента в Тбилиси
Третий день акций протеста у здания парламента в Тбилиси - Sputnik Azərbaycan
Abunə olmaq
Etiraz aksiyasına "Avropalı Gürcüstan", "Vətənpərvərlər Alyansı" partiyalarının tərəfdarları da qoşulub.

BAKI, 17 noyabr - Sputnik. Tbilisidə parlament binası qarşısında müxalifət mitinq keçirilir.

APA xəbər verir ki, Gürcüstanın ən böyük müxalifət partiyası olan "Vahid Milli Hərəkat"ın çağırışı ilə Puşkin parkına toplanan minlərlə insan parlament binasına doğru yürüş edib.

Etiraz aksiyasına "Avropalı Gürcüstan", "Vətənpərvərlər Alyansı" partiyalarının tərəfdarları da qoşulub. Aksiyaçıların tələbləri isə dəyişməyib. Mitinqdə müvəqqəti hökumətin qurulması, 2020-ci ildə parlament seçkilərində proporsional sistemin tətbiq edilməsi və hazırkı Mərkəzi Seçki Komissiyasının tərkibinin dəyişdirilməsi tələb edilib. Mitinqə qoşulmaq üçün ölkənin rayonlarından da  yüzlərlə insanın avtobusla paytaxta gəldiyi bildirilib.

Qeyd edək ki, noyabrın 14-də Gürcüstan parlamentində keçirilən səsvermədə proporsional seçki sisteminə keçidi nəzərdə tutan konstitusiya düzəlişinin qəbul edilməməsi müxalifətin etirazına səbəb olub. Ötən gecə parlament binası qarşısında böyük çadır qurulub və qərargah yaradıldığı elan edilib.

Etirazçılar tələbləri qəbul edilənədək mitinqləri davam etdirəcəklərini bəyan ediblər.

Xəbər lenti
0