BAKI, 13 oktyabr – Sputnik. İranın cənub-qərbində yerləşən Xuzistan vilayətinin Əhvaz-Xürrəmşəhr yolunda “Pride” markalı avtomobil “Peugeot” markalı avtomobillə toqquşub.
Sputnik Azərbaycan-ın məlumatına görə, bunu İranın Təcili Yardım Təşkilatının sözçüsü Muctaba Xaledi deyib.
M.Xaledinin sözlərinə görə, hadisə səhər saat 6:00 radələrində qeydə alınıb.
Xaledi əlavə edib ki, yol qəzasında 6 nəfər həlak olub, 3 nəfər yaralanıb.
Təşkilat rəsmisi hadisə yerinə 3 təcili yadım maşınının göndərildiyini deyib.
