BAKI, 7 oktyabr — Sputnik. Oktyabrın 1-dən İraqda hökumətə qarşı keçirilən etiraz aksiyaları zamanı həlak olan şəxslərin sayı 100-ü keçib.
Sputnik Azərbaycan "Anadolu" agentliyinə istinadən xəbər verir ki, bunu Bağdadda keçirilən mətbuat konfransında İraqın Daxili İşlər Nazirliyinin sözçüsü Saad Maan bildirib.
Maan qeyd edib ki, oktyabrın 1-dən Bağdad və ölkənin cənub şəhərlərində keçirilən etiraz aksiyaları zamanı aralarında hüquq mühafizə orqanlarının əməkdaşları da daxil olmaqla 104 nəfər ölüb, 6 min 107 nəfər isə yaralanıb.
O qeyd edib ki, etiraz aksiyaları zamanı hökumətə və özəl sektora məxsus 59 obyekt yandırılıb.
