BAKI, 29 sentyabr — Sputnik. Sebastyan Kurtsun lideri olduğu Avstriyanın mühafizəkar Xalq Partiyası növbədənkənar parlament seçkilərində qalib gəlir.
Sputnik Azərbaycan RİA-Novosti-yə istinadən bildirir ki, bu barədə seçkilərin gedişinə cavabdah olan respublikanın Daxili İşlər Nazirliyinin saytında bildirilir.
Növbədənkənar parlament seçkiləri Avstriyada bazar günü, sentyabrın 29-da baş tutub.
Kurtsun partiyası 38.4% səs toplayıb. İkinci yerdə 21.5% səslə Sosial-Demokrat Partiyasıdır. Avstriya Azadlıq Partiyası isə 17.3% səslə üçüncüdür.
Nəticələr vaxtından əvvəl verilmiş səslər nəzərə alınmadan təqdim edilib.
