BAKI, 14 sentyabr — Sputnik. Məşhur kino ulduzu Demi Mur jurnal üçün açıq-saçıq pozalar verib.
Sputnik Azərbaycan aktrisanın “Instagram” profilinə istinadla xəbər verir ki, Mur Amerikanın ilk moda maqazin jurnalı olan "Harper's Bazaar"ın kameraları qarşısına keçib. 56 yaşlı Demi Murun jurnalın üz qabığı üçün çəkdirdiyi foto şou aləmini təəccübləndirib. Onun bu yaşda bədəninin forması çoxlarını riqqətə gətirib. Cəsarətli fotoların müəllifi isə Mariano Vivankodur.
Məlumat üçün bildirək ki, tanınmış aktrisa Demi Mur 3 dəfə ailə həyatı qurub. İkinci həyat yoldaşı olan Bryus Uillisdən üç uşaq dünyaya gətirib. D.Mur 1981-ci ildən indiyə qədər 58 filmdə rol alıb. O, ən çox “Ruh”, "Striptiz", "Əsgər Ceyn", "Siz kimsiz, Mister Bruks?" filmlərində yadda qalan obrazlar yaradıb.
