BAKI, 1 sentyabr — Sputnik. Hərbi analitik Babək Taqvey iranlı hərbçiləri adi təlim dronunu yeni, güclü pilotsuz uçan aparat kimi qələmə verdiklərinə görə qınayıb.
Sputnik Azərbaycan bildirir ki, o, Twitter-də yeni aparatın videonümayişini tənqid edib.
Taqvey deyir ki, İran HHQ-nin başçısı general Əlirza Sabahi-Fərd "yalançı"dır. O, 2014-cü ildə İsrail ordusunun təlimlərində istifadə olunmuş oxşar pilotsuz uçan aparatın şəkillərini paylaşıb. Taqvey əmindir ki, sadəcə olaraq, iranlılar ona yeni ad fikirləşiblər.
I just did a research & found out that the Kian is just a toy built by a Toy & RC airplane maker named M. Torabi. His toy planes are being sold in various toy shops of Tehran & Isfahan. #IRIADF commander has purchased many toy planes from Torabi's shop for his son! pic.twitter.com/BrgTfZ0JQG
— Babak Taghvaee (@BabakTaghvaee) September 1, 2019
"Mən sadəcə bir araşdırma apardım və "Kian"ın M.Torabi adlı oyuncaq təyyarə modelləri ustası tərəfindən hazırlanmıış bir oyuncaq olduğunu bildim. Onun oyuncaq təyyarələri Tehran və İsfahanın müxtəlif oyuncaq mağazalarında satılır", - Taqvey yazıb.
İsrailin The Jerusalem Post nəşri yazır ki, bu minvalla İran, sanksiyalara rəğmən, ABŞ-a özünün hərbi potensialının artdığını göstərməyə çalışır. Qəzet həmçinin qeyd edib ki, son zamanlar İranda "yeni texnologiyaların həddən artıq çox nümayişi" müşahidə olunur.
Sentyabrın 1-i səhər İran HHQ yeni "Kian" pilotsuz aparatını təqdim edib. Tehran iddia edir ki, bu aparat 1000 km uça və hədəfi dəqiq vura bilir. Videonu ISNA International agentliyi Twitter-də yayıb.
#Iran has unveiled a combat & defense #drone dubbed “Kian” with pinpoint accuracy pic.twitter.com/jtABVxDguB
— ISNA International (@Isna_Int) September 1, 2019
Avqustun 29-da isə xəbər yayılıb ki, İranın yeni raketi kosmodromda partlayıb. Ölkə üçün bu, 2019-cu il ərzində raket buraxılışlarında ilk uğursuzluq olub.
