14:24 23 Avqust 2019
Canlı yayım
  • USD1.7000
  • RUB0.0259
  • EUR1.8816
Türkiyə Prezidenti Rəcəb Tayyib Ərdoğan

Ərdoğan: Rusiya ilə “S-500”lərlə bağlı da saziş imzalayacağıq

© Cem Oksuz/Presidential Press Office/Handout via REUTERS
DÜNYA
Qısa URL
2097 0 0

Türkiyə prezidenti: “S-400” müqaviləsi tariximizdə Rusiya ilə bağlanan ən önəmli sazişlərdən biri

BAKI, 14 iyul - Sputnik. “S-400” müqaviləsi tariximizdə Rusiya ilə bağlanan ən önəmli sazişlərdən biri hesab edilməlidir. Çünki bu, bir ticarət müqaviləsi deyil. Bu mərhələ eyni zamanda bir ortaqlıq və istehsala bərabər keçmə kimi anlaşılmalıdır”.

Sputnik Azərbaycan APA-ya istinadla xəbər verir ki, bu fikirləri Türkiyə Prezidenti Rəcəb Tayyib Ərdoğan media nümayəndələrinə açıqlaması zamanı bildirib.

Ərdoğan deyib ki, “S-400”ləri almaqla Türkiyə müharibəyə hazırlaşmır, bu sistemin alınması ölkədə sülhün və təhlükəsizliyin təmin edilməsi üçün nəzərdə tutulub. Türkiyə prezidenti “S-400” sistemləri üzərində nəzarətin tamamilə Türk Silahlı Qüvvələrinin əlində olacağını da vurğulayıb.


Daha sonrakı mərhələdə ortaq istehsal və “S-500”lərlə bağlı Rusiya ilə yeni bir saziş imzalanacağının gözləndiyini də qeyd edib: “Çünki bizə qarşı təhdid mövqeyində olan ölkələr varsa, biz də onlara qarşı müdafiəmizi qurmq məcburiyyətindəyik”.

Prezident həmçinin, “S-400” müqaviləsi ilə əlaqədar rəsmi Vaşinqtonun beşinci nəsil “F-35” döyüş təyyarələri ilə Türkiyəni təmin etməsindən imtina edib-etməyəcəyi məsələsinə də toxunub: “F-35”lər üçün bu günə qədər 1,4 milyard dollar ödənilib. Bu sadə bir məsələ deyil.
Türkiyə “F-35” proqramından çıxarılarsa, onlar ödənilən məbləği qaytarmaq məcburiyyətində qalacaqlar”.

Qeyd edək ki, “S-400” havadan müdafiə sisteminin Türkiyəyə ilk idxalı iyulun 12-dən başlayıb. Ardınca Rusiyanın 3 yük təyyarəsi ilə sözügedən komplekslər Ankaradakı hərbi hava limanına endirilib. Bu gün isə “S-400”sistemilə bağlı Rusiyadan 7-ci daşınma hava limanına daxil olub.

Əlaqədar

Ankara istəyinə çatdı, "S-400"lər gəlir
Ərdoğan anons etdi: "S-400-lər yüklənir, təyyarə ilə gətiriləcək"
Ərdoğanın mətbuat katibi: "S-400"-dən sonra "S-500"-ləri almağı düşünürük
"Türkiyə ilk qaranquş idi" - Rusiya "S-400"lərə yeni müştərilər tapıb

Əsas mövzular