18:44 22 Avqust 2019
Canlı yayım
  • USD1.7000
  • RUB0.0258
  • EUR1.8840
S-400 raket sistemləri Alabino hərbi poliqonunda Qələbə paradının məşqi zamanı, arxiv şəkli

"Türkiyə ilk qaranquş idi" - Rusiya "S-400"lərə yeni müştərilər tapıb

© Sputnik / Aleksey Kudenko
DÜNYA
Qısa URL
13101

"Çox vacib və ciddi ölkələr özlərinin analoji tələbatları olduğunu bildirirlər və onlar da, təbii ki, təmin olunacaq"

BAKI, 13 iyul — Sputnik. ""S-400" müdafiə sistemləri yaxın vaxtlarda nəinki Türkiyəyə, eləcə də regionun digər ölkələrinə çatdırılacaq.

Sputnik Azərbaycan RİA-Novosti-yə istinadən bildirir ki, bunu Rusiya Dövlət Dumasının beynəlxalq məsələlər üzrə komitəsinin sədri Leonid Slutski bəyan edib.

Türkiyə Müdafiə Nazirliyi cümə günü bildirib ki, "S-400"lərin ölkəyə gətirilməsi prosesi başlanıb. Bir qədər sonra məlumatı RF Hərbi-Texniki Əməkdaşlıq üzrə Federal Xidməti də təsdiqləyib.

"Türkiyə ilk qaranquş idi. Regionda mütləq "S-400"lər və Rusiyanın daha müasir silah sistemləri peyda olacaq. Biz sıx əməkdaşlıq edəcəyik, bu əməkdaşlığın həcmi çox böyükdür. Əminəm ki, bu işbirliyini hər vəchlə artırmalıyıq. Çox vacib və ciddi ölkələr özlərinin analoji tələbatları olduğunu bildirirlər və onlar da, təbii ki, təmin olunacaq", - Slutski RT telekanalına müsahibəsində deyib.

Onun sözlərinə görə, "tədarüklər olacaq, özü də ən yaxın zamanda".

Dörd "S-400" divizionunun tədarükü üçün müqavilə 2017-ci ildə bağlanılıb. 2,5 milyard dollarlıq məbləğin bir hissəsini Türkiyə öz hesabına, bir hissəsini isə Rusiya kreditinin hesabına ödəyəcək.

"S-400 Triumf" və ya digər adı ilə "S-300 PMU-3" Rusiyanın Almaz Mərkəzi Dizayn Bürosu tərəfindən istehsal olunan zenit-raket kompleksidir. 

Bu sistem 2007-ci ildən bəri Rusiya Silahlı Qüvvələrinin silahlanmasında yer alır. "S-400" sistemlərində dörd növ raketdən istifadə olunur: çox uzun mənzilli 40N6 (400 km), uzun mənzilli 48N6 (250 km), orta mənzilli 9M96 (120 km) və qısa mənzilli 9M96E (40 km) raketlər.

"S-400" hazırda mövcud olan hava hücumundan müdafiə sistemləri arasında ən yaxşılardan biri hesab olunur.

Qeyd edək ki, ABŞ Türkiyənin "S-400" zenit-raket komplekslərini almasına mane olmağa çalışıb. Vaşinqton artıq Ankaranı sanksiyalarla və "F-35" qırıcısına dair müqaviləyə xitam verəcəyi ilə təhdid edib.

Buna baxmayaraq, Rusiya və Türkiyə arasında razılaşma plana uyğun olaraq yerinə yetirilir.

Əlaqədar

Gözlənilən gün yetişdi: Ankara hər şeyə hazır olmalıdır
Teqlər:
Rusiya, Türkiyə, S-400

Əsas mövzular