BAKI, 8 iyul — Sputnik. Kütahyada azot zavodunda partlayış olub.
Sputnik Azərbaycan Habertürk-ə istinadən bildirir ki, hadisə yerinə xeyli sayda xilasedicilər və polislər cəlb olunublar.
Zavod Kütahya-Eskişehir magistralının 7-ci kilometrliyində yerləşir. Partlayış səsləri şəhərin müxtəlif səmtlərindən duyulub. Zavod tərəfdən səmaya sarı rəngdə qatı tüstü yüksəldiyi deyilir.
Hadisə yerindəki xilasedici və media mənsublarının zəhərlənməmək üçün maskalardan yararlandıqları bildirilir.
Kütahya valisi Ömer Toraman partlayışla bağlı: "İlkin məlumata görə, ölən və yaralanan yoxdur, müəssisənin bacasında qaz yığılaraq partlayışa səbəb olub", - deyib.
