BAKI, 5 iyul — Sputnik. Ermənistanın üçüncü prezidenti, Respublikaçı partiyasının sədri Serj Sarqsyan qeyri-adi açıqlaması ilə erməni KİV-nin gündəminə gəlib. Sputnik Ermənistan xəbər verir ki, Sarqsyan Qarabağ münaqişəsinin nizamlanması ətrafında vəziyyəti şərh etməkdən imtina edib.
Jurnalistlərin Qarabağ münaqişəsinin nizamlanması barədə vəziyyəti şərh etməsinə dair sualına Ermənistanın sabiq prezidenti: "İstilər keçəndən sonra", - deyib.
"Bu gün belə suallara cavab vermək üçün o gün deyil. Qoy istilər keçsin, sonra", - deyə Sarqsyan qeyd edib.
Qeyd edək ki, Serj Sarqsyan bu gün Ermənistanda qeyd edilən Konstitusiya günü ilə bağlı keçirilən tədbirə qatılıb.
