21:12 16 Sentyabr 2019
Canlı yayım
  • USD1.7000
  • RUB0.0266
  • EUR1.8825
Yanan gəmi

İran ətrafında vəziyyət gərginləşir, ABŞ Oman körfəzinə "Mason"u göndərir

© AP Photo /
DÜNYA
Qısa URL
2743 0 0

Birləşmiş Ştatların Mərkəzi komandanlığı bildirib ki, İranla müharibə ABŞ və dünya birliyinin strateji maraqlarına cavab vermir

BAKI, 14 iyun — Sputnik. Birləşmiş Ştatlar Oman körfəzində tankerlərə hücumdan sonra oraya "Mason (DDG 87)" raket esminesini göndərir. Sputnik Azərbaycan "RİA Novosti"yə istinadən xəbər verir ki, bu barədə Birləşmiş Ştatların Mərkəzi komandanlığı (CENTCOM) məlumat yayıb.

Ötən gün İran və Ərəb KİV-i "Front Altair" və "Kokuka Courageous" neft tankerlərinə hücumların edilməsi haqqında məlumat yayıb. Qeyri-rəsmi məlumatlara görə, torpedo hücumu nəticəsində gəmilərdə partlayış və yanğın baş verib. "Front Altair" ekipajının üzvlərini İran təxliyə edib. Rəsmi Vaşinqton hücumda Tehranı ittiham edib.

Birləşmiş Ştatların Mərkəzi komandanlığının bəyanatında qeyd olunur ki, "Kokuka Courageous" tankerinin 21 üzvü ABŞ-ın digər esminesi "Bainbridge"in göyərtəsindədir.

"Biz ABŞ-ın "Bainbridge" esminesinin fəaliyyətinə olunan hər hansı müdaxiləyə dözməyəcəyik", - deyə "CENTCOM"dan bildirilib.

Bundan əlavə, komandanlıqdan qeyd olunub ki, İranla müharibə ABŞ və dünya birliyinin strateji maraqlarına cavab vermir, lakin amerikalılar və onların tərəfdaşları regionda gəmiçiliyin və ticarətin azadlığını müdafiə etməyə hazırdırlar.

Qeyd edək ki, ötən ilin mayında Birləşmiş Ştatlar birtərəfli qaydada İranla bağlanan nüvə sazişindən çıxıb və yenidən rəsmi Tehrana qarşı sanksiyalar tətbiq edib. Lakin bir sıra ölkələrə - Çin, Hindistan, Yunanıstan, Yaponiya, Cənubi Koreya, Tayvan və Türkiyəyə qarşı müəyyən müddət üçün istisnalar tətbiq olunmuşdu.

İran isə neft ticarətinə maneələr yaradılacağı təqdirdə Fars körfəzini neft ticarəti üçün bağlayacağını bildirib.

Buna cavab olaraq isə ABŞ hərbi gəmiləri Oman körfəzinə daxil olub. Aviadaşıyıcı zərbə qrupuna "Abraham Lincoln" gəmisi başçılıq edir. Körfəzdə hazırda idarə olunan raket silahları ilə təchiz olunmuş "Arleigh Burke" sinfindən iki eskadrilya minadaşıyıcısı var. BƏƏ sahilləri yaxınlığında universal desant gəmisi "Kearsarge" yerləşir.

Əlaqədar

Oman körfəzində gərginlik: İki neft tankerinə hücum oldu
Teqlər:
tanker, gərginlik, ABŞ, iran

Əsas mövzular