SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Vladimir Zelenski "nokaut" sözü verdi

© REUTERS / VALENTYN OGIRENKOUkraynanın yeni seçilən prezidenti Vladimir Zelenski
Ukraynanın yeni seçilən prezidenti Vladimir Zelenski - Sputnik Azərbaycan
Abunə olmaq
Zelenski: Ukraynada köhnə hakimiyyət sistemini nokauta salacağıq

BAKI, 9 iyun - Sputnik. Qurultayda deputatlığa namizədlərin siyahısı təqdim edilib. Ukrayna Prezidenti Vladimir Zelenski Xalq Xidmətçisi Partiyasının ölkədə yeni hakimiyyət sistemi formalaşdırmağa imkan verəcəyinə və köhnə hakimiyyət sistemini nokauta salacaqlarına əmindir.

APA-nın verdiyi məlumata görə, V. Zelenski bunu bu gün Xalq Xidmətçisi Partiyasının Kiyevdə keçirilən qurultayında bəyan edib.

Qurultayda deputatlığa namizədlərin siyahısı təqdim edilib, partiyanın proqramı təsdiqlənib.

V. Zelenski deyib ki, "Xalq Xidmətçisi" brend deyil, onların dünyagörüşüdür: "Bu, Ukraynada yeni sistemin qurulmasına kömək edəcək, köhnə sistem yenilənməyəcək.  Biz sizinlə birlikdə bu işə aprelin 21-də başladıq, ancaq biz yalnız ilk kiçik addımı atmışıq. Bu, yalnız birinci raunddur. Sistem hazırda nokdaundadır, biz nokaut təklif edirik. Biz bunu birlikdə edək".

V. Zelenski Ali Radanın növbəti çağırışında deputat toxunulmazlığının ləğv ediləcəyinə əminliyini ifadə edib.

Qeyd edək ki, Ukraynada növbəti parlament seçkilərinin oktyabrda keçirilməsi planlaşdırılsa da, V. Zelenski Ukrayna Prezidenti səlahiyyətlərinin icrasına başladıqdan sonra Ali Radanın səlahiyyətlərinə xitam verilməsi və iyulun 21-də növbədənkənar parlament seçkilərinin keçirilməsi barədə fərman imzalayıb.

Xəbər lenti
0