08:24 18 May 2021
Canlı yayım
  • USD1.7000
  • EUR2.0621
  • RUB0.0230
DÜNYA
Qısa URL
1640 0 0

Rusiya zenit-raket komplekslərini yalnız Türkiyə hərbçiləri idarə edəcək

BAKI, 30 may — Sputnik. Türkiyə ABŞ istehsalı olan "F-35" qırıcılarını Rusiya istehsalı olan "S-400" zenit raket komplekslərinin əhatə dairəsindən kənarda yerləşdirəcək. Sputnik Azərbaycan "RİA Novosti"-yə istinadən xəbər verir ki, bunu Türkiyənin Birləşmiş Ştatlardakı səfiri Serdar Kalıç bildirib.

"S-400" və "F-35"-lər Türkiyənin iki konkret vilayətində yerləşdiriləcək və "F-35"lər "S-400"lərin əhatə dairəsindən kənarda qalacaq" - deyə diplomat Vaşinqtonda Milli mətbuat klubunda çıxışı zamanı qeyd edib.

O, vurğulayıb ki, ABŞ tərəfindən İsrailə təqdim olunan"F-35"-lər müntəzəm olaraq "S-400"-lərin yerləşdiyi Suriya hava məkanında uçuşlar həyata keçirir. Lakin bu Birləşmiş Ştatların narahatlığına səbəb olmur.

"Məhz "S-400"-lərın beşinci nəsil ABŞ istehsalı olan təyyarələri izləyə biləcək arqumenti” ABŞ-ın əsas gətirdiyi əsas məsələdir" - deyə Kalış qeyd edib.

Səfir eyni zamanda qeyd edib ki, Rusiya zenit-raket komplekslərini yalnız Türkiyə hərbçiləri idarə edəcək.

Xatırladaq ki, mayın 23-də ABŞ Dövlət Departamentinin rəsmi nümayəndəsi Morqan Ortaqus bildirib ki, rəsmi Vaşinqton Ankaranı Rusiya istehsalı olan "S-400" zenit-raket komplekslərinin "ciddi mənfi nəticələrinin olacağı" barədə xəbərdarlıq edib.

O, əlavə edib ki, "S-400" zenit-raket komplekslərinin alınması Türkiyənin ABŞ və NATO ilə müdafiə sahəsində münasibətlərinə ciddi təsir edəcək.

Qeyd edək ki, mayın 22-də ABŞ-ın "CNBC" telekanalı öz mənbələrinə istinadən məlumat yayıb ki, Birləşmiş Ştatlar Türkiyəyə "S-400" zenit-raketləri ilə bağlı ultimatum verib. Bildirilir ki, Ankara iki həftə ərzində Moskva ilə sövdələşməni pozmalı və Amerikanın "Patriot" raket əleyhinə müdafiə sistemlərini almalıdır. Əks təqdirdə ABŞ Türkiyəni "F-35" proqramından çıxaracaq.

Amerika hökuməti Türkiyəni vəd olunmuş yüzlərlə qırıcıdan məhrum etməklə yanaşı, ona qarşı sanksiyalar tətbiq etməklə də hədələyib. Eyni zamanda bu, NATO tərəfindən də "reaksiyaya" səbəb ola bilər.

Əsas mövzular