BAKI, 18 may — Sputnik. İndoneziyanın qərbində yerləşən Yava əyalətində 5.6 bal gücündə zəlzələ baş verib.
Sputnik Azərbaycan-ın xəbərinə görə, yeraltı təkanlar Yava əyalətinin Panqandaran adlanan ərazisinin 212 kilometr cənubunda qeydə alınıb. Zəlzələnin yerin 33 kilometr dərinliyində baş verdiyi bildirilir.
Ölən və yaralananların olmadığı bildirilir.
Çinin şimal-şərqində yerləşən Tsilin əyalətində 5,1 bal gücündə zəlzələ baş verib. Yeraltı təkanlar yerli vaxt ilə saat 06:24-də Nintsyan rayonunda qeydə alınıb. Zəlzələnin episentri 10 kilometr dərinlikdə yerləşib.
Papua-Yeni Qvineyanın Yeni Britaniya adalarında isə 6,0 bal gücündə zəlzələ baş verib.
Avropa-Aralıq dənizi Seysmoloji Mərkəzinin məlumatına görə, "UTC" vaxtı ilə saat 18:47-də qeydə alınan yeraltı təkanların episentri, Kokopo şəhərindən 76 kilometr şərqdə, ocağı isə 60 kilometr dərinlikdə yerləşib.
Zəlzələ nəticəsində xəsarət alanlar və dağıntılar barədə məlumat verilməyib.
