BAKI, 16 may — Sputnik. ABŞ və Türkiyə arasında F-35 qırıcıları ilə bağlı gərginlik daha da artır. Sputnik Azərbaycan "Sözcü"yə istinadla xəbər verir ki, ABŞ Nümayəndələr Palatasının tərkibindəki komitə F-35-lərin Türkiyəyə tədarükünü əngəlləyən qanun layihəsini dərc edib.
ABŞ Türkiyəyə F-35 qırıcılarının satılması məsələsində qeyri-müəyyən mövqedədir. Türkiyənin Rusiyadan müdafiə sistemləri alması ABŞ-Türkiyə arasında böhran yaradıb.
Nümayəndələr Palatasındakı komitə sözügedən layihəni qiymətləndirəcək.
Qanun layihəsi Nümayəndələr Palatasından daha sonra isə Senatdan keçməlidir. Layihə Konqresdən keçərsə, prezident Donald Tramp sənədi imzalayacaq.
