16:20 23 Avqust 2019
Canlı yayım
  • USD1.7000
  • RUB0.0259
  • EUR1.8816
Salman bin Əbdüləziz

Səudiyyə kralı gözlənilməz bəyanatı ilə dünyanın diqqət mərkəzinə gəlib

© AFP 2019 / YURI KADOBNOV
DÜNYA
Qısa URL
262 0 0

Kral Salman bin Əbdüləziz Səudiyyə Ərəbistanının Fələstinlə bağlı məsələdə mövqeyinin dəyişməz olduğunu dilə gətirib

BAKI, 25 fevral — Sputnik. Səudiyyə Ərəbistanı kralı Salman bin Əbdüləziz Əl Səud Avropa İttifaqı – Ərəb Birliyi sammitində çıxışı zamanı gözlənilməz bəyanat səsləndirib. Sputnik Azərbaycan xarici mətbuata istinadən xəbər verir ki, kral Fələstinlə bağlı çıxışı zamanı "1937-ci il sərhədləri" ifadəsini işlədib.

Misirin ev sahibliyi etdiyi sammitdə çıxış edən kral Salman bin Əbdüləziz Səudiyyə Ərəbistanının Fələstinlə bağlı məsələdə mövqeyinin dəyişməz olduğunu dilə gətirib: "Paytaxtı Şərqi Qüds olan 1937-ci il sərhədlərində Fələstin dövlətinin qurulması da daxil olmaqla Fələstin xalqının bütün haqlarının geri qaytarılması haqqında dəyişməz siyasətimizin olduğunu təkrar vurğulayırıq".

Kralın 1967-ci il sərhədləri yerinə "1937-ci il sərhədləri" ifadəsini işlətməsi diqqəti çəkib. Məsələ ilə bağlı nə Səudiyyə Ərəbistanı, nə də İsraildən olan rəsmilər hər hansı bir açıqlama veriblər.

Qeyd edək ki, 21 aktiv üzvü olan Ərəb Birliyindən yalnız 11-i sammitə kral, əmir və prezident səviyyəsində qatılıb. Toplantıda 4 ölkə baş nazir və xarici işlər naziri, iki ölkə isə daha aşağı təmsilçi ilə qatılıb.

Əlaqədar

“Azərbaycan Fələstin məsələsinin iki dövlət prinsipi əsasında həllini dəstəkləyir”
İsrail Fələstinin paytaxtını mühasirəyə aldı
İsraildə sensasiyalı qanun: Fələstinli ailələr sürgün olunacaq
Şok iddia: Hazırkı baş nazirin hakimiyyəti dövründə 3300 fələstinli qətlə yetirilib
Teqlər:
İsrail, Fələstin, Salman bin Əbdüləziz, kral, Səudiyyə Ərəbistanı

Əsas mövzular