07:44 24 Yanvar 2019
Canlı yayım
  • USD1.7000
  • RUB0.0256
  • EUR1.9323
Fransa hökuməti etirazçıların qarşısında geri çəkildi

Fransa yenidən silkələnir

© Sputnik / Irina Kalashnikova
DÜNYA
Qısa URL
3801

"Respublikamız üsyançılar tərəfindən bir daha təzyiqlərə məruz qaldı" - Emanuel Makron

BAKI, 7 yanvar — Sputnik. Fransada vəziyyət yenidən gərginləşir. Ötən gün axşam saatlarından Fransada "sarı jiletlilər"in üsyanı yenidən alovlanıb. Sputnik Azərbaycan-ın ingilis mediasına istinadən xəbərinə görə, "sarı jieltlilər" bu dəfə ağır yük maşınları ilə hökumət idarəsinin qarşısında saxlanılan avtomobillərə ziyan vurublar. 

Məlumata görə, hətta üsyançılarla polislər arasında da insident yaşanıb. Nəticədə, bir neçə üsyançı polis məmuruna hücum edərək ona ağır zərbələr endirib. 

İşsizlik müavinətləri üçün Makronun daha sərt qərarlar hazırlayacağını deyən üsyançılar hökumətə səslənərək minlərlə iş yerinin bağlanması ilə bağlı Makrona suallar ünvanlayıblar.

Baş verən bu hadisə ilə əlaqədar olaraq isə ölkə başçısı Emanuel Makron "Twitter" sosial şəbəkəsində paylaşdığı tvitdə sadəcə olaraq bunları qeyd edib: "Respublikamız üsyançılar tərəfindən bir daha təzyiqlərə məruz qaldı. Beləcə republikanın qəyyumları, təmsilçiləri və simvollarına yenidən təzyiqlər edildi".

Ötən gün baş verən üsyanlardan sonra Makron verdiyi açıqlamada baş verənlərin ona qarşı deyil, sırf respublika əleyhinə olduğunu vurğulayıb.

Xatırladaq ki, ötən ilin noyabrında yanacağın və ona qoyulan verginin artırılmasına etiraz olaraq Fransada "sarı jiletlilər"in üsyanı başlamışdı. Daha sonra isə ölkənin müxtəlif yerlərindən bu üsyana dəstək olaarq 50 minə yaxın şəxs küçələrə axışaraq ölkədəki sosial problemlərin həllini tələb etmişdi. Makron isə geri addım atsa da, onun bu vədi də üsyançıları sakitləşdirməmişdi.

Qeyd edək ki, yeni il bayramı ərzində ölkədə üsyanlar baş verməyib və vətəndaşlar bu müddətdə Makrondan islahatlar gözləyib. Hazırda Fransa prezidenti sabitliyin bərqərar olduğu bir müddətdə əməli addımlar atmamaqda günahlandırılır.

Əlaqədar

Fransa "yanır" – Daha bir qrup küçəyə çıxma qərarı verdi
Fransa polisindən həyəcan siqnalı: Kimsə evdən çıxmasın
Fransa paytaxtına zirehli texnika yeridildi
Azərbaycanlı turistlər Fransa səyahətini boykot ediblər
Fransa yenidən silkələnir
Teqlər:
Emmanuel Makron, etiraz aksiyası, Fransa

Əsas mövzular