BAKI, 2 yanvar - Sputnik. Pakistanda hərbi təhsil mərkəzinə hücum edilib.
Sputnik Azərbaycan “Anadolu”ya istinadən xəbər verir ki, hadisə Loralai bölgəsində baş verib. Aralarında kamikadzenin də olduğu 4 terrorçunun hücumu nəticəsində Pakistan ordusunun 4 əsgəri həlak olub.
Təhlükəsizlik qüvvələri terrorçuların hücumunun qarşısını alıb. Əməliyyat zamanı onlardan 3-ü məhv edilib, kamikadze isə özünü partladıb.
Hücum "Pakistan Talibanı" adlandırılan "Tehrik-i-Taliban Pakistan" qruplaşması tərəfindən həyata keçirilib.
