BAKI, 25 noyabr - Sputnik. İraqda iki gündür yağan aramsız yağışların səbəb olduğu sel nəticəsində ölənlərin sayı 25-ə çatıb.
Sputnik Azərbaycan Anadolu-ya istinadla xəbər verir ki, İraq Səhiyyə Nazirliyinin nümayəndəsi təkcə Vasıt vilayətində selin altı nəfərin həyatına son qoyduğunu açıqlayıb.
Səhiyyə Nazirliyinin ötən gün yaydığı açıqlamada Səlahəddin vilayətində 5, Zi Karda 2, Bəsrə, Meysan və Vasıt vilayətlərinin hər birində bir nəfərin həlak olduğu bildirilmişdi.
