BAKI, 7 noyabr — Sputnik. Ukraynanın Kropivnitski şəhərində Azərbaycan vətəndaşı güllələnib. Bu barədə Sputnik Azərbaycan "Lb.ua" saytına istinadən xəbər verir.
"Noyabrın 6-da, yerli vaxtla 22:00 radələrində Verxniy Permsk küçəsində naməlum şəxslər vətəndaşa atəş açıblar. O, aldığı xəsarətlərdən hadisə yerində keçinib. Ölən kişinin şəxsiyyəti müəyyənləşdirilib. Onun Azərbaycan vətəndaşı olduğu bildirilir. Faktla bağlı araşdırmalar aparılır" - vilayətin baş polis idarəsinin nümayəndəsi Vitalin Bevzenko bildirib.
40 yaşlı şəxs əvvəllər azadlıqdan məhrum edilib. Həmyerlimizə iki nəfərin hücum etdiyi bildirilir.
