BAKI, 28 oktyabr — Sputnik. "İdlib ABŞ tərəfindən vurulacaq. Amerika bunun üçün İŞİD və Əl-Qaidəni bəhanə edəcək".
Sputnik Azərbaycan "Haber7"yə istinadla xəbər verir ki, bunu Azad Suriya Ordusunun qurucu komandiri Riyad Əsəd deyib.
Onun sözlərinə görə, ABŞ-ın hədəfi sülh prosesini sabotaj etməkdir və bu məqsədə görə hər şeyi edər.
O, bildirib ki, İŞİD terrorçuları fərqli yollardan Deyr-əz-Zor əyalətindən İdlibə köçürülüb. İdlibdə onlara qarşı keçirilən əməliyyat nəticəsində 90 terrorçu yaxalanıb.
"İdlibdə təmin edilən sülh ABŞ-ın planlarını pozdu. Şərtləri öz xeyrinə dəyişmək üçün bölgəyə terrorçu nəql edir. Son 4 ayda İdlibə sızan İŞİD terrorçularının sayı 250-ni keçib" – deyə o bildirib.
Yaxalanan İŞİD terrorçuları İdlibi vilayətləri elan etməyə hazırlaşdıqlarını söyləyiblər. Onlar yaxın dövrdə İdlibdə geniş miqyaslı qarşıdurma və sabotaj aksiyaları keçirməyi qarşılarına məqsəd qoyduqlarını açıqlayıblar.
Terrorçular ABŞ, PKK və Əsəd rejimi tərəfindən dəstəkləndiklərini etiraf ediblər.
