BAKI, 14 oktyabr — Sputnik. Türkiyədə dəhşətli qəza baş verib. Sputnik Azərbaycan xəbər verir ki, İzmir şəhərində qeyri-qanuni miqrantları daşıyan yük avtomobilinin su kanalına aşması nəticəsində xeyli sayda ölən və yaralanan var.
Son məlumata görə, qəza nəticəsində 22 nəfər ölüb, xeyli sayda insan isə yaralanıb.
Xəbərdə qeyd edilir ki, qəza səhər saatlarında baş verib. Hava limanı istiqamətində gedən yük maşını Menderes qovşağı sürücünün nəzarətindən çıxaraq kanala aşıb.
Qəza yerinə xeyli sayda xilasedici və təcili yardım briqadaları göndərilib.
Qəzada ölənlərin sayının artacağı istisna deyil.
